पंढरपूर : प्रजासत्ताक दिनानिमित्त विठ्ठल व रूक्मिणीमातेच्या गाभाऱ्यात तसेच मंदिरात फुलापासून तिरंगा रंगाची आकर्षक व मनमोहक अशी सुंदर आरास करण्यात आली आहे.
प्रत्येक हिंदू सण, उत्सव, स्वातंत्र्य दिन व प्रजासत्ताक दिन या दिवशी आकर्षक फुलांची सजावट करण्याची नवीन परंपरा श्री. विठ्ठल रूक्मिणी मंदिर समितीच्या वतीने सुरू करण्यात आली आहे.
याच एक भाग म्हणून ७१ व्या प्रजासत्ताक दिनानिमित्त ही विठ्ठल व रूक्मिणी मातेच्या गाभाऱ्यात फुलांची सजावट करण्याचे आयोजन केले होते. यामुळे वडगाव धायरी (पुणे) येथील श्रीमंत मोरया ग्रूपच्यावतीने उद्योजक सचिन चव्हाण, संदीप पोकळे, प्रकाश पोकळे यांनी मंदिरातील फुलांच्या सजावटीचा खर्च करण्याची इच्छा व्यक्त केली. याची दाखल घेत मंदिर समितीचे कार्यकारी अधिकारी विठ्ठल जोशी यांनी मोरया ग्रूपला सेवा करण्याची संधी दिली. राष्ट्र ध्वजाच्या रंगाच्या फुलांचा वापर सजावटीसाठी करण्यात आला आहे. विठ्ठल व रुक्मीणी गाभाऱ्यात फुलांची सजावट करण्यात आली. यामुळे मंदीरात येणाऱ्या भाविकांना अधिकच प्रसन्न वाटत होते.