कडलास येथे चोरट्यांचा धुमाकूळ;  चोराला पकडताच पाहुण्याला भोसकले

सांगोला : तालुक्यातील कडलास अंतर्गत महंकाळवाडी, लिगाडेवाडी, लेंडवे मळा या ठिकाणी चोरट्यानी शुक्रवारी मध्यरात्रीनंतर १.३० च्या सुमारास. धुमाकूळ घालण्यास ...

ठळक मुद्दे पोलिसांसह श्वान पथक घटनास्थळी दाखलगंभीर जखमी झालेले सुभाष रामपुरे यांना मिरज येथे उपचारासाठी दाखल ६ ठिकाणी घरफोडी; एकूण किती चोरी झाली हे अद्याप समजू शकले नाही

सांगोला : तालुक्यातील कडलास अंतर्गत महंकाळवाडी, लिगाडेवाडी, लेंडवे मळा या ठिकाणी चोरट्यानी शुक्रवारी मध्यरात्रीनंतर १.३० च्या सुमारास. धुमाकूळ घालण्यास सुरूवात केली. एकेक करीत सहा ठिकाणी घरफोड्या केल्या. शिवाय दत्ता माने यांच्या घरी पाहुणे म्हणून आलेल्या सुभाष रामपुरे यांना चोरट्याने भोसकल्याने ते गंभीर जखमी झाले आहेत.

महंकाळवाडी येथे दत्ता माने, लिगाडेवाडी येथे मोहन लिगाडे, लेंडवे मळा येथे दत्ता जाधव, नारायण लिगाडे, लक्ष्मण गायकवाड, पांडुरंग पवार यांच्या घरी चोरट्यानी चोरी केली. ६ चोर ३ मोटरसायकलीवरून आले होते. त्यांनी एकेक घर करीत ६ ठिकाणी घरफोडी केली. एकूण किती चोरी झाली हे अद्याप समजू शकले नाही. गंभीर जखमी झालेले सुभाष रामपुरे यांना मिरज येथे उपचारासाठी दाखल केले आहे. घटनास्थळी डिवायसपी दिलीप जगदाळे, पोनि राजकुमार केंद्रे हे दाखल झाले असून सोलापूरहून श्वान पथक मागवले आहे.