कोर्टाच्या प्रवेशद्वारासमोर कुत्रा आडवा आल्यानं तरुणाचा सर्वांग शेकाटलं

दुचाकीवरुन घराकडे जाणाऱ्या तरुणाला जिल्हा न्यायालयाच्या प्रवेशद्वारासमोर कुत्रा आडवा आल्याने दुचाकीस्वार तरुण रोडवर पडल्यानं त्याचे सर्वांग शेकाटले.

सोलापूर : रंगभवन रोडमार्गे दुचाकीवरुन घराकडे जाणाऱ्या तरुणाला जिल्हा न्यायालयाच्या प्रवेशद्वारासमोर कुत्रा आडवा आल्याने दुचाकीस्वार तरुण रोडवर पडल्यानं त्याचे सर्वांग शेकाटले. सोमवारी रात्री १०:१५ च्या सुमारास ही घटना घडली. रोहित राजू मस्के (वय- २५, रा. बेडर पूल, सोलापूर) असे जखमी तरुणाचे नाव आहे.

यातील तरुण कामानिमित्त शहरात गेला होता, रंगवन रोडमार्गे तो परत बेडरपूल येथील घराकडे जात होता. रंगभवन रोड पार करुन जिल्हा न्यायालय पास करताना अचानक त्याच्या दुचाकीसमोर कुत्रा आडवा आला. ब्रेक दाबण्याअगोदरच दुचाकीसह तो तरुण रोडवर पडला. यात त्याच्या दोन्ही हातास, गुडघ्यास जखम झाली. या घटनेची नातलगाला खबर मिळताच त्याची आई सिद्धव्वा धावली. जवळच असलेल्या शासकीय रुग्णालयात उपचारासाठी दाखल केले. त्याच्यावर उपचार सुरु असून, तो शुद्धीवर असल्याचे डॉक्टरांनी सांगितले.