रुपेश हेळवे,सोलापूर : प्रवाशांच्या सोईसाठी रेल्वे प्रशासनाने विशेष गाड्यांची कालावधीची वाढ केली आहे. यामुळे प्रवाशांना याचा फायदा होणार आहे. यात सोलापुरातून जाणारी सोलापूर - अजमेर साप्ताहिक विशेष गाडीला २७ मार्च २०२४ पर्यंत मुदतवाढ मिळाली आहे.
तसेच बिकानेर - साईनगर शिर्डी - बिकानेर साप्ताहिक विशेष अधिसूचित गाडी ३० डिसेंबर २०२३ पर्यंत होती, या गाडीला मुदत वाढ मिळाली असून ही गाडी आता ६ जानेवारी पासून ३० मार्च पर्यंत धावणार आहे. म्हणजेच या गाडीचे १२ फेर्या होणार आहे. तसेच साईनगर शिर्डी - बिकानेर गाडी ३१ मार्च पर्यंत सुरू असणार आहे. तसेच अजमेर - सोलापूर - अजमेर साप्ताहिक विशेष अधिसूचित २७ डिसेंबर २०२३ पर्यंत होती. ती आता ३ जानेवारी पासून ते २७ मार्च २०२४ पर्यंत धावणार. म्हणजेच एकूण १३ जादा फेर्या होणार आहे. तसेच सोलापूर - अजमेर विशेष अधिसूचित गाडी २८ मार्च पर्यंत धावणार आहे.