सोलापूर - श्रीपत पिंपरीजवळ खासगी बस आणि ट्रकचा भीषण अपघात झाल्याचे वृत्त समोर आले आहे. या अपघातात 4 जणांचा मृत्यू झाला असून 22 जण जखमी झाले आहेत. बार्शी कुर्डुवाडी राज्य मार्गावर वांगरवाडी हद्दीत ही दुर्घटना घडली आहे. ही बस लातूरहून मुंबईच्या दिशेनं प्रवास करत होती. पहाटे 3 वाजण्याच्या सुमारास हा अपघात घडला आहे. अपघातात एक तीन वर्षांचा मुलगा आणि 23 वर्षांच्या तरुणीचा समावेश आहे. पोलीस घटनास्थळी दाखल झाले असून मदतकार्य सुरू करण्यात आले आहे.
खासगी बस आणि ट्रकचा भीषण अपघात, 4 जणांचा मृत्यू
By ऑनलाइन लोकमत | Updated: November 18, 2018 10:27 IST