Solapur News | Latest Solapur News in Marathi | Solapur Local News Updates | ताज्यबातम्या सोलापूर | सोलापूर समाचार | Solapur Newspaper

- आप्पासाहेब पाटीलसोलापूर : अरण्यऋषी मारुती चितमपल्ली यांच्यावर शासकीय इतमामात गुरूवारी दुपारी साडेतीन वाजण्याच्या सुमारास सोलापूर -तुळजापूर रोडवरील हिंदू लिंगायत स्मशानभूमीत अंत्यसंस्कार करण्यात आले. यावेळी शोकाकुल वातावरणात अनेकांनी चितमपल्ली यांना श्रध्दांजली अर्पण केली. हवेत बंदुकीच्या फैरी झाडून चितमपल्ली यांना मानवंदना देण्यात आली, त्यानंतर त्यांच्यावर अंत्यसंस्कार करण्यात आले. पद्मश्री पुरस्काराने सन्मानित अरण्यऋषी मारुती चितमपल्ली यांचे वयाच्या ९३ व्या वर्षी बुधवारी सायंकाळीसात वाजण्याच्या सुमारास निधन झाले. प्रकृती खालावल्यामुळे ते काही दिवसांपासून अंथरुणाला खिळले होते. ३० एप्रिल २०२५ रोजी राष्ट्रपती द्रौपदी मुर्मू यांच्या हस्ते त्यांना पद्मश्री प्रदान करण्यात आले होते. दिल्लीहून परतल्यापासून त्यांची प्रकृती चिंताजनक होती. अखेर बुधवारी सोलापुरामधील राहत्या घरी सायंकाळी ७ वाजता त्यांनी शेवटचा श्वास घेतला. त्यांच्या निधनानंतर केंद्रीय मंत्री नितीन गडकरी, मुख्यमंत्री देवेेंद्र फडणवीस, उपमुख्यमंत्री एकनाथ शिंदे, अजित पवार, राज्याचे मंत्री चंद्रशेखर बावनकुळे, जयकुमार गोरे यांच्यासह अन्य लोकप्रतिनिधी, अधिकारी व राज्यातील पर्यावरणप्रेमींनी चितमपल्ली यांच्याविषयी शोक व्यक्त करीत श्रध्दांजली अर्पित केली.गुरूवारी सकाळी निघालेल्या चितमपल्ली यांच्या अंत्यसंस्कारावेळी जिल्हाधिकारी कुमार आशीर्वाद, जिल्हा परिषदेचे सीईओ कुलदीप जंगम, आ. सचिन कल्याणशेट्टी, मनपा आयुक्त डॉ. सचिन ओंम्बासे, पोलिस आयुक्त एम. राजकुमार, पोलिस अधीक्षक अतुल कुलकर्णी यांच्यासह वरिष्ठ अधिकारी, लोकप्रतिनिधी मोठया संख्येने उपस्थित होते.

Solapur (Marathi News)

Pandharpur Chandrabhaga flood: नदीकाठच्या गावांना सतर्कतेचा इशारा, वीर धरणातूनही ६ हजार ५०० चा विसर्ग ...

फिट इंडिया या राष्ट्रीय कार्यक्रम अंतर्गत या दिंडीमध्ये सायकल सारख्या व्यायामाचे महत्व पटवून देण्यात आले... ...

शिंदे गटाचे माजी आमदार शहाजीबापू पाटील यांनी खासदार संजय राऊत यांच्याबाबत मोठा गौप्यस्फोट केला. ...

सोलापुरात एकाच घरात तरुण तरुणीने गळफास घेत आयुष्य संपवल्याची घटना समोर आलीय ...