स्थानिक स्वराज्य संस्था निवडणुकीत भाजपला पहिले यश मिळाले. अनगर नगर पंचायत निवडणुकीत अर्ज भरण्याच्या शेवटच्या दिवशीच चित्र स्पष्ट झाले. अनगर नगरपंचायतीमधील सर्व १७ जागा बिनविरोध निवडून आल्या आहेत. राष्ट्रवादीतून भाजपमध्ये आलेल्या माजी आमदार राजन पाटील यांच्या नेतृत्वाखालील पॅनेल बिनविरोध निवडून आले आहे. नगराध्यक्षपदासाठी दोन अर्ज आल्याने निवडणूक होणार आहे, हेही स्पष्ट झाले आहे.
सोलापूर जिल्ह्यातील अनगर नगरपंचायतीची १७ सदस्यांसाठी निवडणूक लागली होती. १७ सदस्यांच्या जागांसाठी केवळ १७ अर्ज दाखल झाल्याने ही निवडणूकच बिनविरोध झाली आहे. भाजपचे नेते माजी आमदार राजन पाटील यांनी आपले वर्चस्व दाखवून दिले आहे.
माजी आमदार राजन पाटील यांनी नुकतंच भाजपमध्ये प्रवेश केला आहे. पाटील आधी अजित पवारांच्या राष्ट्रवादी काँग्रेसमध्ये होते.
अशा पद्धतीने सर्व १७ जागा या बिनविरोध होणारी अनगर नगरपंचायत ही राज्यातील पहिलीच नगरपंचायत ठरली आहे. आता नगराध्यक्षपदासाठी निवडणूक होणार असून, कोण बाजी मारणार याबद्दल उत्सुकता वाढली आहे.
Web Summary : BJP secured its first local election victory in Anagar. All 17 Nagar Panchayat seats were won unopposed under ex-MLA Rajan Patil. A mayoral election will still occur, generating excitement.
Web Summary : अनगर में भाजपा को पहली स्थानीय चुनाव जीत मिली। पूर्व विधायक राजन पाटिल के नेतृत्व में सभी 17 नगर पंचायत सीटें निर्विरोध जीती गईं। महापौर चुनाव अभी भी होगा, जिससे उत्साह है।