सोशल मीडियात एका व्हिडीओने चांगलाच धुमाकूळ घातलाय. पश्चिम बंगालमधील हा व्हिडीओ असून त्यात एका पुजाऱ्याला लोक जबरदस्तीने पूजा करण्यासाठी घरी घेऊन जात असल्याचे दिसते. यात स्पष्टपणे दिसत आहे की, पुजाऱ्याला त्या लोकांसोबत जायचं नाहीये. पण ते लोक त्याला ओढत घेऊन जात आहेत.
लोकांना हा व्हिडीओ फारच मजेदार वाटत आहे. हा व्हिडीओ तरूण दास नावाच्या यूजरने मंगळवारी शेअर केला होता. आतापर्यंत या व्हिडीओला १२ हजार लाइक्स मिळाले असून ४६ हजार शेअर मिळाले आहेत. तर १० लाखांपेक्षा अधिकवेळा हा व्हिडीओ पाहण्यात आलाय.
पश्चिम बंगालमध्ये सरस्वती पूजा किंवा वसंत पंचमीला जल्लोष असतो. अशात अनेक ठिकाणी मंडप असतात. अशात पुजाऱ्यांची चांगलीच डीमांड वाढत असते. पण पुजारी कमी असल्याने अनेकांना समस्या होते. आता पूजा तर करायची आहे आणि त्यासाठी पुजारी हवा आहे मग त्यांना असं जबरदस्तीने धरून न्यावं लागण्याची वेळही येते.
हा व्हिडीओ चांगलाच लोकप्रिय झाला असून लोकही यावर मजेदार कमेंट करत आहेत. लोकही पुजाऱ्याची मजा घेत आहेत. १ हजारपेक्षा अधिक लोकांनी यावर कमेंट केल्या आहेत.