Viral Video : एकदा हा व्हिडीओ बघाच, बघून रेल्वेत पुन्हा काही खाल्लं तर नाव बदलून टाका

Viral Video : सध्या व्हायरल होत असलेला एक व्हिडिओ पाहिल्यानंतर तुम्ही अशा वस्तू खाण्यापासून कदाचित कायमचे दूर राहाल. चला तर जाणून घेऊया त्या व्हिडिओमध्ये नेमकं काय दिसतं.

भारतात मोठ्या प्रमाणात लोक प्रवास करण्यासाठी रेल्वेचा वापर करतात. रेल्वेनं प्रवास करणं अनेकांना आरामदायक आणि परवडणारं वाटतं. आपण नेहमीच पाहतो की, रेल्वेच्या प्रवासादरम्यान काही लोक घरून जेवण आणतात, तर काही जण रेल्वेमध्येच जेवण ऑर्डर करून खातात. जेवणाव्यतिरिक्त अनेक लोक ट्रेनमध्ये विक्रेते विकत असलेल्या छोट्या-मोठ्या खाण्याच्या वस्तूही खातात. कुणी चणा विकतो, तर कुणी मटर तर कुणी भेळ. पण सध्या व्हायरल होत असलेला एक व्हिडिओ पाहिल्यानंतर तुम्ही अशा वस्तू खाण्यापासून कदाचित कायमचे दूर राहाल. चला तर जाणून घेऊया त्या व्हिडिओमध्ये नेमकं काय दिसतं.

व्हायरल व्हिडिओमध्ये काय दिसतं?

सध्या व्हायरल होत असलेल्या या व्हिडिओमध्ये एक व्यक्ती ट्रेनमध्ये चणा-मटर विकण्यासाठी चढलेली दिसते. तो एका ठिकाणी थांबून चणा आणि मटर नीट मिसळताना दिसतो. धक्कादायक बाब म्हणजे तो थेट ट्रेनच्या बाथरूमबाहेर उभा राहून, जमिनीवर सामान ठेवून तो ते मिसळत आहे. त्याने हातात ग्लोव्हजही घातलेले नाहीत. बाथरूमच्या बाहेरच सगळं सामान ठेवून तो चणा-मटर तयार करतो आणि नंतर तेच कोचमध्ये जाऊन प्रवाशांना विकणार आहे.

जर तुम्हीही ट्रेनमध्ये असे पदार्थ खात असाल, तर हा व्हिडीओ एकदा नक्की पाहा, असं म्हणावं लागेल. हा व्हिडिओ X या प्लॅटफॉर्मवर @indian_armada या अकाउंटवरून शेअर करण्यात आला आहे. कॅप्शनमध्ये लिहिले आहे “रेल्वेतील चणा-मटर खा मित्रांनो.”

रेलवे का चना मटर खा लो फ्रेंड्स 🌝 pic.twitter.com/cq6KCxgvzY

— Baba MaChuvera 💫 Parody of Parody (@indian_armada) January 12, 2026

आतापर्यंत या व्हिडिओला हजारो लोकांनी पाहिले आहे. व्हिडिओ पाहिल्यानंतर एका युजरने कमेंट केली, “छी! घरचं जेवण घेऊन जा.” दुसऱ्याने लिहिलं, “फ्रेश होण्यासाठी मस्त जागा निवडली आहे.” तर आणखी एका युजरने स्पष्टपणे लिहिलं, “मी तर खातच नाही.”