Sara Tendulkar Speaking Marathi Viral Video: बॉलिवूडमधील सेलिब्रिटींची मुलं हा भारतात कायम चर्चेचा विषय असतो. त्यात क्रिकेटपटूंचे जीवन आणि त्यांची मुले हा विषय देखील विशेष चर्चिला जातो. भारतीय दिग्गज क्रिकेटपटू सचिन तेंडुलकर याची लेक सारा तेंडुलकर हीदेखील सातत्याने विविध कारणांनी प्रकाशझोतात असते. अलीकडेच साराने एका सोन्याच्या ज्वेलरी ब्रँडच्या उद्घाटनाला हजेरी लावली होती. नवी मुंबईतील या दुकानाच्या उद्घाटनाच्या वेळी सारा तेंडुलकरनेमराठीतून आपल्या भावना व्यक्त केल्या. त्यामुळे सारा तेंडुलकर आता मराठी भाषेतील तिच्या छोटाशा भाषणामुळे चर्चेत आली आहे.
सारा तेंडुलकर ही सचिनची लेक असली तरीही ती फारशी मराठीत बोलताना दिसली नव्हती. पण नवी मुंबईतील कार्यक्रमात साराने अस्खलित मराठीत आपल्या आजीची एक आठवण सांगितली. मला एक गोष्ट मला मराठीत सांगायची आहे अशी सुरुवात करत ती म्हणाली, "मी जेव्हा लहान होते, तेव्हा माझी आजी मला नेहमी छोटीशी का असेना पण सोन्याची वस्तू द्यायची. ती कधी कानातले द्यायची, कधी गळ्यातली चेन द्यायची. तेव्हापासून माझं एकच स्वप्न होतं की मी एक दिवस मोठी झाल्यावर माझ्या स्वत:च्या पैशाने माझ्या आजीसाठी सोन्याचं काहीतरी विकत घेऊन तिला देईन. ते स्वप्न आज पूर्ण झालं."
सारा तेंडुलकरचा हा व्हिडीओ सोशल मीडियावर भरपूर व्हायरल झाला आहे. या व्हिडीओत ती ज्या पद्धतीने मराठी बोलली आहे, त्यावरून तिचे मराठी चाहते तिचे तोंडभरून कौतुक करताना दिसत आहेत. तू महाराष्ट्राची आहेस, याचा आम्हाला अभिमान आहे, असे एकाने लिहिले आहे. तर दुसऱ्याने सारा खूप छान मराठी बोलते असे म्हटले आहे.
Web Summary : Sara Tendulkar's Marathi speech at a jewelry brand launch went viral. She shared a touching story about her grandmother gifting her gold, inspiring her to buy gold for her grandmother with her own money one day.
Web Summary : सारा तेंदुलकर का एक ज्वेलरी ब्रांड के लॉन्च पर दिया गया मराठी भाषण वायरल हो गया। उन्होंने अपनी दादी द्वारा उन्हें सोना उपहार में देने की एक मार्मिक कहानी साझा की, जिससे उन्हें एक दिन अपनी दादी के लिए अपने पैसे से सोना खरीदने की प्रेरणा मिली।