सेलिब्रिटी आणि त्यांच्या आगळ्यावेगळ्या फॅशन हा नेहमी चर्चेचा विषय असतो. त्यात खासकरुन हॉलिवूडसेलिब्रिटींच्याफॅशन अधिकच गाजतात. सध्या अशीच काहिशी चर्चा हॉलिवूडची 49 वर्षीय हॉट अभिनेत्री आणि गायिका जेनिफर लोपेझची (Jennifer Lopez) होत आहे. आपल्या हटके अंदाजासाठी ओळखली जाणारी जेनिफर नेहमीच आपल्या लूकसोबत वेगवेगळे प्रयोग करताना दिसते. काही दिवसांपूर्वीच जेनिफरने न्यूयॉर्कमध्ये असे काही केले की, ज्यामुळे सर्वांनाच आश्चर्याचा धक्का बसला. जेनिफरच्या व्हायरल होणाऱ्या फोटोकडे पाहता क्षणी असे वाटते की, तिची पॅन्ट खाली घसरली की काय? पण प्रकरण वेगळंच आहे.
जेनिफरचा व्हायरल झालेला फोटो जरा काळजीपूर्वक पाहिला तर, नक्की जेनिफरच्या बाबतीत काय झालं आहे याचा उलगडा होतो. खरं तर जेनिफर पॅन्ट घालायला विसरली नसून तिनं पॅन्टसारखा दिसणारा डेनिम जीन्सचा शूज पायात घातला आहे. तिनं घातलेला शूजचा जीन्ससारखाच पॅटर्न असून तो गुडघ्यापर्यंत आहे. पण जेनिफरने ज्या पद्धतीने हा शूज पायात घातला आहे, तो पाहता तिची जीन्सची पॅन्ट घसरली की काय असा भास पाहणाऱ्यांना होतो.
जेनिफरने घातलेले शूज वर्सा (Versace) या नामांकित ब्रँडचे डेनिम शूज आहेत. त्याला अनेकजण लाँग शूज असेही म्हणतात. सध्या जेनिफरचे हे फोटो सोशल मीडियावर व्हायरल होत आहेत. विशेष म्हणजे तिच्या शूजवर पोलिसांचा बिल्लाही लावण्यात आला आहे. 49 वर्षे वय असूनही हॉट दिसणारी जेनिफर या शूजमुळे आणखी हॉट दिसत आहे, असे म्हणून चाहत्यांनी तिच्या फॅशन सेन्सलाही दाद दिली आहे. तर अनेकांनी हे शूज घातल्यावर पँट घालण्याची गरजच नाही अशी खिल्ली उडवत तिला ट्रोलही केलं आहे.