नोकरी करत असताना प्रत्येकजण कार्यालयात वेळेवर पोहोचण्याचा प्रयत्न करत असतो. त्यासाठी घरातून निघण्यापासून ते बसच्या वेळाही पाळण्याचा प्रयत्न होतो. पण, काही वेळा धडपड करूनही उशीर होतोच. पण, म्हणून तुम्हाला कामावरून काढलं गेलं, तर...? अशीच घटना समोर आली आहे आणि त्याची आता चर्चा सुरू झाली आहे.
हे प्रकरण तेव्हा चर्चेला आले, जेव्हा एका यूजरने रेडिट या सोशल मीडिया प्लॅटफॉर्मवर पोस्ट शेअर केली. त्याने म्हटले आहे की, एक कर्मचारी मागील सात वर्षांपासून कंपनीमध्ये काम करत होता. या काळात तो कधीही ऑफिसमध्ये उशिरा आला नाही. पण, एक दिवस तो पहिल्यांदाच २० मिनिटे उशिरा आला आणि त्याच कारणाने कंपनीने त्याला नोकरीवरून काढून टाकले.
काही दिवसांनी इतर कर्मचाऱ्यांना कळले
रेडिटवर केलेल्या या पोस्टनुसार, ही घटना मंगळवारी घडली. पण, इतर सहकाऱ्यांना याबद्दल काही दिवसांनी कळले. त्याला पहिल्यांदा २० मिनिटे उशीर झाला म्हणून कामावरून काढले गेले आहे. यात कंपनीच्या आणि कर्मचाऱ्याच्या नावाचा उल्लेख करण्यात आलेला नाही.
पोस्ट लिहिणाऱ्याने म्हटले आहे की, सहकाऱ्याला नोकरीवरून काढून टाकण्याच्या निर्णयाचा विरोध करण्याची तयारी इतर सहकारी करत आहेत. पुढच्या सोमवारी माझे सर्व सहकारी जाणीवपूर्वक ऑफिसला उशिरा येणार आहेत आणि जोपर्यंत कंपनी नोकरीवरून काढलेल्या सहकाऱ्याला पुन्हा कामावर घेत नाही, तोपर्यंत आम्ही असे करत राहणार आहोत.
Web Summary : An employee with seven years of perfect attendance was fired for being 20 minutes late. Colleagues plan a coordinated late arrival in protest until the company reinstates him. The incident sparked outrage and discussion on social media.
Web Summary : एक कर्मचारी, जिसकी सात साल की उपस्थिति परिपूर्ण थी, को 20 मिनट की देरी के लिए निकाल दिया गया। कंपनी के निर्णय के विरोध में सहकर्मी जानबूझकर देरी से आने की योजना बना रहे हैं, जब तक उसे बहाल नहीं किया जाता। घटना से सोशल मीडिया पर आक्रोश फैल गया।