अनंत अंबानींनी साजरा केला कर्मचाऱ्याचा वाढदिवस अन् प्रायव्हेट जेटमधूनही फिरवलं, पाहा Viral Video

Anant Ambani Viral Video: उद्योगपती मुकेश अंबानी यांचा धाकटा मुलगा अनंत अंबानी याचं नुकतंच राधिका मर्चंट हिच्यासोबत लग्न झालं. अनंत आणि राधिका यांच्या लग्नाच्या शाही थाटाचे व्हिडिओ देखील चर्चेचा विषय ठरले होते. यानंतर आता एका वेगळ्याच कारणासाठी अनंत अंबानी पुन्हा चर्चेत आले आहेत. अनंत अंबानी यांचा एक नवा व्हिडिओ समोर आला आहे. ज्यात ते आपल्या खासगी विमानात एका कर्मचाऱ्याचा वाढदिवस साजरा करताना दिसत आहेत. अनंत अंबानींनी आपल्या कर्मचाऱ्याप्रती दाखवलेलं औदार्य नेटिझन्सना आवडलं आहे. आहे. मात्र हा व्हिडीओ कधीचा आहे याबाबत कोणतीही माहिती मिळालेली नाही.

अनंत अंबानींचा हा व्हायरल व्हिडिओ मोबाईल कॅमेऱ्याने रेकॉर्ड करण्यात आला आहे. व्हिडिओमध्ये अंबानींचा मुलगा अनंत निळ्या शर्टमध्ये आपल्या कर्मचाऱ्याचा वाढदिवस साजरा करताना दिसतो आहे. एवढंच नाही तर ते स्वत:च्या हाताने कर्मचाऱ्याला केकही खाऊ घालतात. व्हिडिओचे आणखी एक वैशिष्ट्य म्हणजे अनंत यांनी कर्मचार्‍याचा खास दिवस त्याच्या प्रायव्हेट जेटमध्ये साजरा केला आणि तो आणखी अविस्मरणीय बनवला. कर्मचाऱ्याच्या आनंदाला पारावार उरला नसल्याचं व्हिडिओमध्ये दिसत आहे. 

View this post on Instagram

A post shared by Patiala Politics (@patialapolitics)

एखादा मोठा व्यक्ती जेव्हा आपल्या कर्मचाऱ्याचा वाढदिवस अशा प्रकारे साजरा करत असेल तेव्हा त्याच्या भावना काय असतील याची कल्पना करुनच परिस्थिती लक्षात येऊ शकते. कर्मचाऱ्याच्या डोळ्यात आनंदाश्रू होते. 

व्हिडिओमध्ये अनंत अंबानी कर्मचाऱ्याला वाढदिवसाचा केक कापण्यात मदत करताना दिसत आहेत. मात्र, यानंतर कर्मचाऱ्यानं अनंत अंबानी यांचा आशीर्वाद घेतला. काही सेकंदांची ही क्लिप patialapolitics नावाच्या अकाऊंटवरून इन्स्टाग्रामवर शेअर करण्यात आली आहे.

अनंत अंबानी यांनी उद्योगपती वीरेन मर्चंटची मुलगी राधिका मर्चंटसोबत लग्नगाठ बांधली आहे. वीरेन हे Encore Healthcare Pvt. Ltd चे CEO आणि उपाध्यक्ष आहेत. राधिका आणि अनंत शाळेपासूनचे मित्र आहेत. राधिका प्रशिक्षित नृत्यांगना आहे. तिनं न्यूयॉर्क विद्यापीठातून पदवी प्राप्त केली आहे, तर अनंतने ब्राऊन विद्यापीठातून पदवी प्राप्त केली आहे.