काय सांगता! एका पाळीव श्वानाला डे केअरला पाठवण्यासाठी युवती दरमहिना भरते दीड लाख

ही बातमी सोशल मीडियावर व्हायरल झाली आणि त्यावर लोकांनी वेगवेगळी प्रतिक्रिया दिली. एका श्वानावर इतका पैसा खर्च करणे खरेच गरजेचा आहे का असा प्रश्न काही लोक विचारतात तर काहींनी हे योग्य असल्याचं म्हटले.

चीनमधील एका घटनेने सगळ्यांनाच हैराण केले आहे. टाओटाओ नावाच्या युवती आणि तिच्याकडे असलेला ६ महिन्याच्या श्वान सध्या चर्चेचा विषय बनला आहे. शांघाय येथे राहणाऱ्या युवतीने तिच्या पाळीव श्वानाला लग्झरी डॉग किंडरगार्टन पाठवले आहे आणि त्यासाठी तिला दर महिना १२ हजार युआन म्हणजेच १.६० लाख रूपये खर्च करावे लागतात.

टाओटाओने सांगितले की, मी नोकरीत खूप व्यस्त असते. त्यामुळे माझ्या श्वानाला पुरेसा वेळ देता येत नाही. त्यामुळेच मी हा निर्णय घेतला. जेणेकरून पाळीव श्वानाची देखभाल योग्यरितीने होऊ शकेल. हा माझ्यासाठी खर्च नाही तर पाळीव श्वानाच्या भल्यासाठी उचललेले आवश्यक पाऊल आहे असं तिने सांगितले.

श्वानाला शिकवली जाते शिस्त

रिपोर्टनुसार, डॉग किंडरगार्टन कुठलेही सामान्य डे केअर सेंटर नाही तर एक प्रिमियम सुविधा केंद्र आहे. जिथे श्वानांची पर्सनॅलिटी आणि टेम्परामेंट टेस्ट घेतली जाते जेणेकरून त्यांचा स्वभाव खूप चांगल्या रितीने समजू शकतो. त्याशिवाय बिहेवियर ट्रेनिंग दिली जाते. ज्यातून श्वानांचे भुंकणे आणि आक्रमकता हा स्वभाव कंट्रोल केला जाऊ शकतो. इतकेच नाही तर या श्वानांना इतर श्वानांसोबत खेळायचा, वेळ घालवायची संधी मिळते. ज्यातून त्यांची वर्तणूक चांगली होते. डेली बोर्डिंगसह पिकअप आणि ड्रॉप सुविधाही दिली जाते. मालक आणि श्वान यांच्यातील संबंध मजबूत करण्यासाठी खास इंटरॅक्शन क्लासही असतो. जेवणाचा खर्च या पॅकेजमध्ये समाविष्ट नाही.

एका श्वानावर इतका खर्च खरेच गरजेचा?

दरम्यान, ही बातमी सोशल मीडियावर व्हायरल झाली आणि त्यावर लोकांनी वेगवेगळी प्रतिक्रिया दिली. एका श्वानावर इतका पैसा खर्च करणे खरेच गरजेचा आहे का असा प्रश्न काही लोक विचारतात तर काहींनी हे योग्य असल्याचं म्हटले. जर पाळीव श्वान कुटुंबाचा हिस्सा मानला जातो तर त्याच्या देखभालासाठी होणारा खर्च चुकीचा नाही असं काहींनी मत मांडले. हे प्रकरण एका श्वानापुरते मर्यादित नाही तर त्यातून बदलता विचार दिसून येतो. सध्याच्या काळात पाळीव प्राण्यासाठी लोकांचा असलेला दृष्टीकोन बदलत आहे. त्यांच्या देखभालीसाठी रोज नवनवीन प्रयोग केले जात आहेत.