सावंतवाडी नजीकच्या एका महाविद्यालयातील विद्यार्थ्यांमध्ये झालेल्या अंतर्गत वादातून एका विद्यार्थ्याला मारहाण करून तब्बल आठ ते दहा मुलांनी मिळून मोती तलावात ढकलून दिले. मात्र काही जागरूक युवकांनी या विद्यार्थ्याला बाहेर काढले. हा प्रकार मंगळवारी रात्री नऊ वाजण्याच्या सुमारास घडला. या प्रकरानंतर रात्री उशिरापर्यंत घटनास्थळावर तसेच पोलीस ठाण्यात मोठी गर्दी झाली होती.
सावंतवाडी नजीकच्या एका महाविद्यालयातील दोन विद्यार्थ्याच्या गटात किरकोळ वादातून मंगळवारी सकाळी बाचाबाची झाली या बाचाबाचीचे पर्यावसान रात्रीच्या वेळी सावंतवाडी मध्ये हाणामारीत झाले विद्यार्थ्याच्या दोन गटात जेवणाच्या मेस समोरच ही हणामारी झाली त्यावेळी स्थानिकांनी या दोन्ही गटांना येथे हाणामारी नको म्हणून घालवून दिले होते.
तेथून हे विद्यार्थ्याचे दोन्ही गट मोती तलावांच्या काठावर आले तेथे पुन्हा जोरदार हणामारी झाली त्यावेळी शहरातील काहि स्थानिक युवकांना एका गटाने बोलवून घेत आदित्य राठोड नामक विद्यार्थ्याला बेदम मारहाण केलीच तसेच त्याला मोती तलावात ढकलून देत तेथून निघून गेले हा प्रकार सुरू असतानाच तेथून जात असलेल्या अक्षय वेसणकर व अभय बेलवडेकर या दोन युवकांनी हा सर्व प्रकार बघून तलावात ढकलेल्या विद्यार्थ्याला वाचविण्या साठी प्रयत्न केले.आणि त्याला वाचविले.तलावात ढकलेल्या आदित्य च्या अंगावरील कपडे ही मारहाणीत फाटले होते.
एवढी जबरदस्त मारहाण केली होती.दरम्यान घडलेल्या प्रकारानंतर घटनास्थळावर पोलिस दाखल होत तलावात ढकलण्यात आलेल्या विद्यार्थ्याला पोलीस ठाण्यात घेऊन गेले. त्याचवेळी तलावा काठावर मोठा जमाव जमला होता.उशिरा पर्यत पोलिसांनी कोणताही गुन्हा दाखल केला नव्हता तसेच या प्रकरणात तब्बल आठ ते दहा जण असावेत असा अंदाज पोलिसांकडून व्यक्त करण्यात येत