कणकवली : हत्यार बाळगून जबरी चोरी करणाऱ्या कुख्यात आरोपी राजन शंकर गमरे( वय ५७, रा. कालिना, सुंदरनगर, सांताक्रूझ (पूर्व), मुंबई) याला स्थानिक गुन्हे अन्वेषण पथकाने सोमवारी कणकवली रेल्वे स्थानक परिसरात सापळा रचून शिताफीने ताब्यात घेतले. त्यास पुढील कार्यवाहीसाठी कणकवली पोलिसांच्या ताब्यात देण्यात आले आहे. यापूर्वी याप्रकरणातील पाच आरोपींना अटक करण्यात आली आहे.कणकवली पोलिस ठाणे गुन्हा रजि. नंबर ३२२/२०२५, बीएनएस २०२३चे कलम ३३३, ३०९(५), ३ (५) या गुन्ह्याचा स्थानिक गुन्हा अन्वेषण शाखा सिंधुदुर्ग यांच्या मार्फत समांतर तपास चालू होता. तांत्रिक विश्लेषण व गोपनीय माहीतगाराकडून प्राप्त माहितीनुसार गुन्ह्यातील संबंधित आरोपी हा कणकवली येथे येणार असल्याची माहिती मिळाल्याने सापळा रचून त्याला ताब्यात घेण्यात आले. ही कारवाई पोलिस निरीक्षक प्रवीण कोल्हे यांच्या मार्गदर्शनाखाली पोलिस उपनिरीक्षक अनिल हाडळ, सहायक पोलिस उपनिरीक्षक राजू जामसंडेकर, पोलिस हवालदार आशिष गंगावणे, पोलिस हवालदार ज्ञानेश्वर तवटे, पोलिस हवालदार किरण देसाई यांनी केली. फोंडाघाट येथे झालेल्या जबरी चोरी प्रकरणात या आरोपीचा सहभाग होता.
Web Summary : Police arrested a notorious robber, Rajan Gamre, involved in the Fondaghat robbery. He was caught near Kankavli railway station. Five other accused were previously arrested in this case. Police investigation continues.
Web Summary : फोंडाघाट डकैती में शामिल कुख्यात राजन गमरे को पुलिस ने गिरफ्तार किया। वह कणकवली रेलवे स्टेशन के पास पकड़ा गया। इस मामले में पहले पांच अन्य आरोपी गिरफ्तार किए गए थे। पुलिस जांच जारी है।