कणकवली : दुचाकी आणि रिक्षा यांची समोरासमोर धडक होऊन झालेल्या अपघातात दुचाकीवरील अमित प्रभाकर मेस्त्री ( वय ४०, रा. हरकुळ ) व परशुराम अनंत पांचाळ ( वय ४८,रा. हरकुळ ) हे दोघे जागीच ठार झाले .
रिक्षामधील माधुरी मनोहर घाडीगावकर ( वय ४७ ) , बाळकृष्ण सदाशिव घाडीगावकर ( वय ८० ) , मनोहर बाळकृष्ण घाडीगावकर ( वय ४२ ) , गणेश अशोक घाडी ( वय ३० ) हे जखमी झाले . यातील काहींना गंभीर दुखापती झाल्या . हा अपघातकणकवली - कनेडी मार्गावरील सांगवे - केळीचीवाडी येथे शुक्रवारी दुपारी १ वाजण्याच्या सुमारास घडला आहे.या अपघातातील जखमींना कणकवली येथील उपजिल्हा रुग्णालयात दाखल करण्यात आले आहे . त्या ठिकाणी प्राथमिक उपचार करून तिघांना खाजगी रुग्णालयात तर एकाला ओरोस येथील जिल्हा रुग्णालयात हलविण्यात आले आहे . या अपघातानंतर स्थानिक ग्रामस्थ तसेच पोलीसांनी घटनास्थळी धाव घेतली होती . तसेच तत्काळ मदत कार्य सुरू केले. या घटनेचा अधिक तपास पोलीस करीत आहेत.