कोकण रेल्वे गाड्यांचा आता वेग वाढणार, प्रवाशांना दिलासा

कोकण रेल्वे मार्गावर धावणाऱ्या गाड्यांचे वेळापत्रक १ नोव्हेंबरपासून बदलणार आहे. पावसाळी हंगामासाठी असलेले वेळापत्रक बदलल्याने आता गाड्यांचा वेग वाढणार असून प्रवाशांना त्यामुळे दिलासा मिळणार आहे.

ठळक मुद्दे१ नोव्हेंबरपासून नवीन वेळापत्रकवेळापत्रकाप्रमाणे प्रवास करण्याचे आवाहन

कणकवली : कोकण रेल्वे मार्गावर धावणाऱ्या गाड्यांचे वेळापत्रक १ नोव्हेंबरपासून बदलणार आहे. पावसाळी हंगामासाठी असलेले वेळापत्रक बदलल्याने आता गाड्यांचा वेग वाढणार असून प्रवाशांना त्यामुळे दिलासा मिळणार आहे.

निसर्गसौंदर्याने नटलेल्या कोकणच्या भूमीला भेट देणारे पर्यटक आणि त्याचबरोबर आपल्या मूळ गावी येणारे मुंबईकर कोकण रेल्वेला अधिक पसंती देत असतात. मुंबईतून कोकण, गोवा आणि दक्षिणेकडच्या राज्यांकडे जाण्यासाठी कोकण रेल्वे हा सुलभ मार्ग आहे. या मार्गावरून २६ जानेवारी १९९८ ला कोकण रेल्वे प्रथम धावली. त्यावेळेस केवळ ६६ स्थानके होती. आता नव्या २१ स्थानकांची भर पडल्याने ही संख्या ७८ वर पोहोचणार आहे.

रोहा ते वेरणा आणि वेरणा ते ठोकूरपर्यंतचे विद्युतीकरणाचे काम टप्प्याटप्प्याने होत आहे. नव्या स्थानकामध्ये इंदापूर, गोरेगाव रोड, सापेवामने, कलंबानी, कडवई, वेरावल्ली, खारेपाटण, आचिर्णे या स्थानकांचा समावेश आहे. स्थानकांची संख्या वाढल्याने रेल्वे गाड्यांचा विलंब आता टाळता येणार आहे. त्यामुळे प्रवाशांना काहीसा दिलासा मिळू शकेल.

पावसाळी वेळापत्रक बदलून आता १ नोव्हेंबरपासून नवीन वेळापत्रक लागू होणार आहे. त्या वेळापत्रकानुसार गोवा तसेच सिंधुदुर्ग, रत्नागिरी जिल्ह्यांतील स्थानकांवरून मुंबईकडे जाणाऱ्या गाड्यांच्या वेळेत बदल होणार आहे. मात्र, मुंबईहून परतीच्या प्रवासाला निघणाऱ्या या गाड्यांच्या वेळेत बदल होणार नाही.

नवीन वेळापत्रकाप्रमाणे मुंबईकडे जाणाऱ्या गाड्यांच्या कणकवली स्थानकातील वेळा पुढीलप्रमाणे आहेत. मंगला एक्स्प्रेस पहाटे ५.४२ वाजता, दिवा पॅसेंजर सकाळी ९.२१ वाजता, मांडवी एक्स्प्रेस दुपारी ११.३३ वाजता, जनशताब्दी एक्स्प्रेस सायंकाळी ४.२८ वाजता, तुतारी एक्स्प्रेस सायंकाळी ७.४४ वाजता, कोकणकन्या एक्स्प्रेस रात्री ९.०८, मेंगलोर एक्स्प्रेस रात्री ८.४० वाजता, डबलडेकर (मंगळवार, गुरुवार) सकाळी ८.१० वाजता , ओखा एक्स्प्रेस (गुरुवार, शनिवार) दुपारी १.३८ वाजता, पुणे एक्स्प्रेस (मंगळवार, शुक्रवार) सायंकाळी ७.१० वाजता, वातानुकूलित करमळी एक्स्प्रेस (गुरुवारी) दुपारी ३.२० वाजता, तिरूनवेली दादर एक्स्प्रेस (गुरुवार) सकाळी ६.२८ वाजता, बिकानेर एक्स्प्रेस (रविवार) सकाळी ६.२९ वाजता, डबलडेकर (दर रविवारी) दुपारी ३ वाजता मुंबईकडे मार्गस्थ होईल.

कोकणकन्या ही सावंतवाडी स्थानकात मुंबईकडे जाण्यासाठी सायंकाळी ७.३६ वाजता, कुडाळ येथे रात्री ८.९ वाजता, सिंधुदुर्गनगरी ८.२८ वाजता तर वैभववाडी येथे ९.३८ वाजता पोहोचेल. तुतारी एक्स्प्रेस ही सावंतवाडी येथून सायंकाळी ६.५० वाजता सुटून कुडाळला ७.१० वाजता, सिंधुदुर्गनगरी येथे ७.३० वाजता पोहोचेल.

मांडवी एक्स्प्रेस ही सावंतवाडीला १०.४० वाजता, कुडाळला ११.०२ वाजता पोहोचेल. ह्यनेत्रावतीह्ण एक्स्प्रेस ही कुडाळला सकाळी ६.५० वाजता तर ह्यतेजसह्ण एक्स्प्रेस कुडाळला ३.२८ वाजता येणार आहे. पावसाळी हंगामात सुरक्षिततेचा उपाय म्हणून गाड्यांचा वेग कमी करण्याबरोबरच गाड्यांच्या वेळेत बदल केला जातो. त्यामुळे गाड्यांना काहीसा विलंब होतो. आता पावसाळा संपत आल्याने वेळापत्रक बदलण्यात आले आहे.

१० जूनपर्यंत लागू राहणार वेळापत्रक

कोकण रेल्वे मार्गावरील नवीन वेळापत्रक १ नोव्हेंबर ते १० जून या कालावधीसाठी लागू राहणार आहे. त्यामुळे प्रवाशांनी याची नोंद घेऊन नवीन वेळापत्रकाप्रमाणे प्रवास करावा, असे आवाहन रेल्वेच्या सूत्रांकडून करण्यात येत आहे.