सिंधुदुर्ग - राज्यात महापालिका निवडणुकीत चर्चेत आलेला बिनविरोध पॅटर्न जिल्हा परिषद, पंचायत समितीतही पाहायला मिळत आहे. कणकवलीतील पुन्हा याच पॅटर्नमुळे भाजपाचे आतापर्यंत ५ उमेदवार बिनविरोध झाले आहेत. मंत्री नितेश राणे यांच्या कणकवली मतदारसंघात बिनविरोध निवडीचे सत्र भाजपाकडून सुरू आहे. बिडवाडी पंचायत समितीमध्ये बिनविरोध निवड झाल्यानंतर आता वरवडे पंचायत समितीत भाजपाचे अधिकृत उमेदवार सोनू सावंत यांच्याविरोधात विरोधकांनी अर्ज मागे घेतले आहेत. त्यामुळे सोनू सावंत यांची बिनविरोध निवड झाली आहे.
सोनू सावंत यांच्याविरोधात उद्धवसेनेचे सुधीर सावंत आणि मनसेचे शांताराम सादये या दोघांनी आपले उमेदवारी अर्ज मागे घेतले आहेत. त्यामुळे कणकवलीत भाजपाचे पंचायत समिती निवडणुकीमधील दुसरे उमेदवार सोनू सावंत हे बिनविरोध झाले आहेत. अद्याप निवडणूक विभागाकडून याची अधिकृत घोषणा होणे बाकी आहे. वरवडे पंचायत समितीत ३ उमेदवार रिंगणात होते. त्यापैकी उद्धवसेना,मनसे उमेदवाराने माघार घेतल्याने भाजपा उमेदवार यांचा एकमेव अर्ज राहिला. त्यामुळे त्यांनी बिनविरोध निवड होणार आहे. त्याशिवाय खारेपाटण जिल्हा परिषद गटातून उद्धवसेनेच्या मीनल तळगावकर यांनी निवडणुकीच्या रिंगणातून माघार घेतली. तिथे भाजपाच्या उमेदवार प्राची इस्वलकर या बिनविरोध झाल्या आहेत. बांदा जिल्हा परिषद गटातून भाजपाचे उमेदवार प्रमोद कामत हेदेखील बिनविरोध ठरले आहेत.
आतापर्यंत ३ उमेदवार बिनविरोध
भाजपाचा हा उद्धवसेनेला दुसरा धक्का कणकवली तालुक्यातून देण्यात आला आहे. आतापर्यंत भाजपाचे कणकवली मतदारसंघांमध्ये ३ उमेदवार बिनविरोध झाले आहेत. यामध्ये बिडवाडी पंचायत समिती, वरवडे पंचायत समिती तर वैभववाडी तालुक्यातील कोकिसरे पंचायत समितीच्या उमेदवारांचा समावेश आहे.
४ उमेदवारी अर्ज मागे
कणकवली तालुक्यातील जिल्हा परिषद व पंचायत समिती निवडणुकीसाठी दाखल केलेल्या उमेदवारी अर्जापैकी चार अर्ज शुक्रवारी मागे घेण्यात आले. यामध्ये खारेपाटण जिल्हा परिषद मतदार संघातील उज्ज्वला वीरेंद्र चिके (अपक्ष) तसेच फोंडाघाट जिल्हा परिषद मतदार संघातील सुजाता सदानंद हळदीवे (शिंदेसेना) तसेच वरवडे पंचायत समिती मतदार संघातील सुधीर दिगंबर सावंत (उद्धवसेना), शांताराम सुरेश सादये (मनसे) या उमेदवारांचा समावेश आहे.
Web Summary : In Kanakkavli, BJP secures five unopposed wins in Panchayat Samiti elections after Shiv Sena candidates withdraw. This continues the trend seen in municipal elections, strengthening BJP's position in Nitesh Rane's constituency. Uddhav Sena's candidate also withdrew from Kharepatan Zilla Parishad seat, further aiding BJP's uncontested victories.
Web Summary : कणकवली में शिवसेना उम्मीदवारों के नाम वापस लेने के बाद भाजपा ने पंचायत समिति चुनावों में पांच निर्विरोध जीत हासिल की। इससे नगर पालिका चुनावों में देखी गई प्रवृत्ति जारी है, जिससे नितेश राणे के निर्वाचन क्षेत्र में भाजपा की स्थिति मजबूत हुई है। उद्धव सेना के उम्मीदवार ने भी खरेपाटन जिला परिषद सीट से नाम वापस ले लिया, जिससे भाजपा को निर्विरोध जीत मिली।