बहिणीशी प्रेमसंबंधावरून तरूणाला बेदम मारहाण, साताऱ्यातील घटना

संबंधित तरूण गंभीर जखमी

सातारा : बहिणीशी प्रेमसंबंधावरून एका १८ वर्षीय तरूणाला बेदम मारहाण करण्यात आली. यामध्ये संबंधित तरूण गंभीर जखमी झाला असून, याप्रकरणी सातारा तालुका पोलिस ठाण्यात चाैघांवर गुन्हा दाखल करण्यात आला आहे. ही घटना दि. १३ रोजी रात्री शहरालगत असलेल्या एका गावात घडली.संबंधित तरूणाचे एका तरूणाच्या बहिणीसोबत प्रेमसंबंध असल्याच्या संशयावरून त्याला लोखंडी राॅड, पट्ट्याने लाथाबुक्क्यांनी मारहाण केली. यामध्ये संबंधित तरूण गंभीर जखमी झाला. रुग्णालयात उपचार घेतल्यानंतर त्याने सातारा तालुका पोलिस ठाण्यात संबंधित तरूणांविरोधात तक्रार दाखल केली. हवालदार निकम हे अधिक तपास करीत आहेत.