लोकमत न्यूज नेटवर्क
वडूज : कोरोनामुळे लग्नसराईच्या थाटामाटाला बगल फाटा देत ठराविक आप्तेष्टांच्या हजेरीत लग्नसोहळा पार पडत आहे. मात्र, झपाट्याने रुग्णसंख्येत वाढ होऊन दोषी होण्यापेक्षा वधू-वरपक्षाकडून वेगळीच शक्कल लढवली जात आहे. ठरविलेल्या लग्नाला आप्तेष्ट अतिमित्रांनी हजेरी तर लावलीच पाहिजे. शासनाचे नियम पाळून कोरोनाच्या महामारीत नातेवाइकासंह मित्रांच्या आरोग्याची काळजी घेतलीच पाहिजे, यासाठी ऑनलाइन शिक्षणाप्रमाणे शक्कल लढवून व्हॉटस्ॲपवर पत्रिका पाठविताना लिंकही पाठवून विवाह सोहळ्याचे आमत्रंण दिले जात आहे.
सलग दुसऱ्या वर्षीही कोरोनाचा दुसऱ्या टप्प्यातील रुग्णसंख्येत झपाट्याने वाढ होत असताना शासनाने लग्नसभारंभासह विविध क्रार्यक्रमांवर बंधने लादली आहेत. नियमभंग केल्यास मोठ्या प्रमाणात दंड आकारला जातो आणि विनाकारण केलेल्या गर्दीतून रुग्ण वाढून आपल्या जवळचे मित्र अथवा नात्यातील माणसे गमावण्याचे दु:खद प्रसंगही ओढवले आहेत. लग्नसराईतील कार्यक्रमांना फक्त पन्नास लोकांची मर्यादा घालून दिल्याने ‘इतका जवळचा असूनही त्या पन्नासमध्ये माझा समावेश नाही’ या टोमण्यांनी अनेकांना सामोरे जावे लागते. त्यामुळे नातीगोतीगोती तुटून नाहक गैरसमज पसरतात तर अबोलाही कायमस्वरूपी राहतो. यामुळे या सर्वांतून सुयोग पर्याय काढून ऋणानुबंधही ठिकून राहावे प्रत्येकाची आरोग्याची काळजीही घेतली जाईल व सन्मानाने विवाहाला आमंत्रित करता येईल, असा एकविसाव्या शतकातील आधुनिक पर्याय म्हणून ऑनलाइन पत्रिका पाठवून त्यात विवाह सोहळा पाहता यावा म्हणून पत्रिकेतून ऑनलाइन लिंक पाठवली जात आहे. त्यामुळे कोणी हजेरी लावली हेही कळणार आहे. या अनोख्या माध्यमातून काहीना कमी वेळेत अनेक लग्नही लावता येणार आहेत.
चौकट...
ऑनलाइन पत्रिकेची अन् लिंकची चर्चा...
कोरोना काळातील या ऑनलाइनमुळे काहींना जवळच्या नातेवाइकांच्या लग्नात हजर असूनही इतर सोहळ्याला हजेरी लावता येणार आहे. या ऑनलाइन पत्रिकेची आणि लिंकची सर्वत्र चर्चा असून, सध्याच्या स्थितीत याच पर्यायांची गरज असल्याचेही बोलले जात आहे; परंतु मित्र आणि नातेवाईक लग्नाचा आहेर ऑनलाइन देणार की प्रत्यक्ष देणार याबाबत खमंग चर्चा सुरू आहेत.
फोटो
संग्रहित लग्नसराईचा फोटो वापरणे