जुनी पेन्शन योजना: कऱ्हाडात शासकीय कर्मचाऱ्यांच्या संपाला प्रतिसाद, नागरिकांची गैरसोय

कर्मचाऱ्यांनी कार्यालयांच्या समोर उभे राहून केली घोषणाबाजी

कऱ्हाड : शासकिय कर्मचाऱ्यांनी मंगळवार पासून आपल्या मागण्यांसाठी बेमुदत संप पुकारला आहे. त्याला पहिल्याच दिवशी कराडात चांगला प्रतिसाद मिळाला.

कराडमधील महसूल विभाग आणि पंचायत समिती आज संपामुळे बंद होती. शासकीय कर्मचाऱ्यांनी कार्यालयांच्या समोर उभे राहून घोषणाबाजी केली. 'एकच मिशन जुनी पेन्शन' अशा घोषणानी परिसर दुमदुमून गेला.

दरम्यान  आपल्या विविध कामासाठी तालुक्यातून नागरिक या कार्यालयात आले होते. मात्र संपामुळे त्यांना रिकाम्या हाताने परत जावे लागले. हा संप नक्की किती दिवस चालेल हे सांगता येत नाही. मात्र मागण्या मान्य झाल्याशिवाय आता माघार नाही असा आंदोलकांचा पवित्रा दिसत आहे.