"मी परिणामांचा विचार करत नाही. आपण ईडी आणि इन्कम टॅक्सलाही घाबरत नाही. माझ्यावर भाजपचं खुप प्रेम होतं. आजही ते माझ्यावर खुप प्रेम करतात. मला वाटतं त्यावेळी मी १०० कोटी घेतले असते तर बरं झालं असतं. पण त्यांना कल्पना आहे की मी शरद पवार यांचा निष्ठावंत पाईक आहे आणि मेलो तरी त्यांना सोडणार नाही," असं वक्तव्य राष्ट्रवादी काँग्रेसचे आमदार शशिकांत शिंदे यांनी केलं. साताऱ्यातील कट्टापूरमध्ये आयोजित शेतकरी मेळाव्यात ते बोलत होते.
"भाजपला, ईडी आणि बाकी सीडीला पळवून लावमारे कोणी कार्यकर्ते असतील तर ते आमच्यासाखे प्रामाणिक कार्यकर्ते आहेत. आपण परिणामांचा विचार करत नाही. आपण ईडीच्या बापाला आणि इन्कम टॅक्स विभागाच्या बापालाही घाबरत नाही," असं म्हणत त्यांनी निशाणा साधला.
किरीट सोमय्यांवर टीकाबोलताना शशिकांत शिंदे यांनी भाजपचे नेते किरीट सोमय्या यांच्यावरही निशाणा साधला. "मध्यंतरी किरीट सोमय्या या ठिकाणी आले होते. मी अजित पवार यांना सांगितलं होतं मला परवानगी द्या. त्यांचा तोतरेपणा एकदा बाहेर काढतो का नाही हे पाहा. परंतु अजित पवार यांनी मला नको म्हणून सांगितलं," असंही ते यावेळी म्हणाले.