मायणी : मायणी बसस्थानकाजवळ प्रत्येक रविवारी भरत असलेल्या आठवडी बाजारादिवशी बाजार करण्यासाठी येणाऱ्या ग्राहकांची खासगी वाहने बसस्थानकावर लावलेली असतात. त्यामुळे बसस्थानकामध्ये बस लावताना अडचण येत असल्याने बस स्थानकावर न येता बाहेरून जात असल्याचे चित्र प्रत्येक रविवारी पाहावयास मिळत आहे.
मायणी बसस्थानकाशेजारी असलेल्या गांधी मैदानावर व बसस्थानकाच्या व गांधी मैदानाच्या पाठीमागे प्रत्येकावरील आठवडी बाजार असतो. या दिवशी मोठ्या प्रमाणात व्यापारी येत असतात, तसेच आठवडी बाजार असल्याने मायणी ग्रामस्थांसह परिसरातील खेड्यापाड्यांतील ग्रामस्थ बाजारासाठी येत असतात. स्वतंत्र पार्किंग व्यवस्था नसल्याने अनेक ग्राहक स्वतःची वाहने मुख्य बसस्थानकामध्ये मिळेल त्या ठिकाणी लावून बाजारासाठी जात असतात. त्यामुळे बसस्थानकामध्ये येणारी एस.टी. बस आतमध्ये आल्यानंतर ती पाठीमागे घेऊन लावता येत नाही. असंख्य दुचाकी असल्यामुळे एस.टी. बस या दुचाकीला धडकण्याची भीती असते तसेच अनेकवेळा चालकांबरोबर शाब्दिक बाचाबाची ही दुचाकीस्वारांची होत असते. त्यामुळे बसस्थानकावर बस घेऊन न जाणे हा एकमेव पर्याय प्रत्येक रविवारी बसचालकांनी निवडला आहे. लांबपल्ल्याच्या बसेस थेट चौकातून जातात तर म्हसवड, आटपाडी, कलेढोणला जाणाऱ्या बसेस बसस्थानकाच्या बाहेरच उभ्या करून प्रवाशांना सोडत व घेत असल्याचे चित्र दिसत आहे.
कोट.. व चौकट येणार आहे..
फोटो..07मायणी
मायणी बसस्थानक दर रविवारी खासगी वाहनाने भरलेले असते. त्यामुळे एस.टी. बसचालकांना नाहक त्रास सहन करावा लागत आहे.