अशोक डोंबाळेसांगली : टेंभू उपसा सिंचन योजनेच्या सात हजार ३७०.०३ कोटी रुपयांच्या सुधारित प्रशासकीय खर्चास शासनाने हिवाळी अधिवेशनावेळी गुरुवारी मान्यता दिली. त्यामुळे सांगली, सातारा व सोलापूर जिल्ह्यातील १०९ गावांमधील ४१ हजार ३ हेक्टर क्षेत्र नव्याने सिंचनाखाली येणार आहे. तसेच, टेंभूला पूर्वी २२ टीएमसी पाणी मिळत होते. त्यामध्ये नव्या मान्यतेने ८ टीएमसी पाण्याची भर पडणार आहे.टेंभू योजनेमध्ये सांगली, सातारा आणि सोलापूर जिल्ह्यातील सात तालुक्यांतील २४० गावांमधील ८० हजार ४७२ हेक्टर शेतीला पाणी देण्याचे नियोजन होते. त्यानुसार मुख्य कालव्यासह वितरण व्यवस्थेची कामे झाली आहेत. या कामावर आजअखेर तीन हजार ४०० कोटी रुपयांचा खर्च झाला आहे. तसेच चार हजार ८८ कोटी ९४ लाख रुपयांच्या द्वितीय सुधारित खर्चास शासनाने यापूर्वीच मंजुरी दिली होती. या योजनेच्या लाभापासून सातारा जिल्ह्यातील माण, खटाव आणि सांगली जिल्ह्यातील जत तालुका वंचित राहिले होते. तसेच योजनेत सहभागी तालुक्यांतीलही काही गावे वंचित राहिली होती.
श्रमिक मुक्ती दलाचे अध्यक्ष डॉ. भारत पाटणकर यांच्या नेतृत्वाखाली दुष्काळग्रस्त शेतकऱ्यांनी आंदोलन केले. त्यानंतर खासदार संजय पाटील, आमदार अनिल बाबर व सुमनताई पाटील यांनी शासनाकडे रेटा लावला. त्यामुळे तिन्ही जिल्ह्यातील १०९ वंचित गावांचा टेंभू योजनेत समावेश केला आहे. यामध्ये सातारा जिल्ह्यातील माण तालुक्यातील १८, खटाव तालुक्यातील २८, सांगली जिल्ह्यातील खानापूर तालुक्यातील १५, तासगाव १३, आटपाडी १३, कवठेमहांकाळ ८, जत ४ आणि सांगोला तालुक्यातील १० गावांचा नव्याने समावेश झाला आहे. त्यामुळे या आठ तालुक्यांतील ४१ हजार ३ हेक्टर क्षेत्र नव्याने सिंचनाखाली येणार आहे. त्यासाठी जलसंपदा विभागाने अतिरिक्त ८ टीएमसी पाण्याची तरतूद केली आहे.नव्याने सिंचनाखाली येणारे क्षेत्रतालुका - गावे - सिंचन क्षेत्र (हेक्टर) - पाणी वापरमाण - १८ - ५६- ८६ - १ टीएमसीखटाव - २८ - ७४- ४० - १.५ टीएमसीखानापूर - १५ - ६४- ७१ - १.५ टीएमसीतासगाव - १३ - ६० - २६ - १ टीएमसीआटपाडी - १३ - ५२ - ९४ - १ टीएमसीकवठेमहांकाळ - ८ - ४२- ५५ - ०.५ टीएमसीजत - ४ - २६ - ३६ - ०.५ टीएमसीसांगोला - १० - ३१ - ९५ - १ टीएमसीएकूण - १०९ - ४१००३ - ८ टीएमसी
जिल्ह्यातील या गावांचा नव्याने समावेशखानापूर तालुका : भिकवडी (बु.), करंजे, रेणावी, रेवणगांव, भडकेवाडी, घाेटी (बु.), घोटी (खु.), धोंडगेवाडी, ऐनवाडी, जखीनवाडी, जाधववाडी, घाडगेवाडी, बानुरगड, कुसबावडे, ताडाचीवाडी,तासगाव तालुका : वायफळे, बिरणवाडी, यमगरवाडी, दहिवडी, कचरेवाडी, किंदरवाडी, नरसेवाडी, धोंडेवाडी, विजयनगर, सावळज, डोंगरसोनी, वडगाव, लोकरेवाडीकवठेमहांकाळ : गर्जेवाडी, कुंडलापूर, रायवाडी, केरेवाडी, शेळकेवाडी, जाखापूर, जायगव्हाण, लोणारवाडी, आटपाडी : आंबेवाडी, बोंबेवाडी, राजेवाडी, काळेवाडी, खाजोडवाडी, लिंगीवरे, उंबरगाव, पांढरेवाडी, पिंपरी (खु.), पुजारवाडी (दिघंची), विभूतवाडी, गुळेवाडी, पडळकरवाडी जत : बेवनूर, नवाळवाडी, वाळेखिंडी, सिंगणहळ्ळी.
टेंभू योजनेच्या सात हजार ३७०.३ कोटी रुपयांच्या सुधारित प्रशासकीय खर्चास शासनाने मंजुरी दिली. त्यामुळे टेंभू योजनेत सांगली, सातारा, सोलापूर जिल्ह्यातील १०९ गावांतील ४१ हजार ३ हेक्टर क्षेत्र सिंचनाखाली येणार आहेत. निधीला मंजुरी मिळाल्यामुळे तत्काळ कामे सुरू करून वंचित गावांमधील शेतीला पाणी देण्यात येणार आहे. -चंद्रशेखर पाटोळे, अधीक्षक अभियंता, सांगली पाटबंधारे मंडळ.