सांगली : वारणा (चांदोली), कोयना धरण क्षेत्रासह जिल्ह्यात शनिवारी सकाळपासून पावसाने उघडीप दिल्यामुळे नागरिकांनी सुटकेचा नि:श्वास सोडला आहे. कोयना धरण ७८.८४ टक्के भरल्यामुळे धरणाचे चार दरवाजे उघडून ३२ हजार १०० क्यूसेक विसर्ग सुरू आहे. सांगली आयर्विन पूल येथे कृष्णा नदीने ४०.२ फुटांपर्यंतची इशारा पातळी शनिवारी दुपारी ओलांडली आहे. वारणा धरण ८८ टक्के भरल्यामुळे तेथूनही १६ हजार ७८५ क्यूसेक विसर्ग सुरू आहे. अलमट्टी धरणातून तीन लाख क्यूसेक विसर्ग सुरू आहे.कोयना धरणात सद्या ८२.९९ टीएमसी पाणी झाला झाला असून ७८.८४ टक्के धरण भरले आहे. शनिवारी कोयना धरणातून ३२ हजार १०० क्यूसेक विसर्ग चालू आहे. धरण क्षेत्रात पावसाचा जोर कमी झाल्यामुळे जादा १० हजार क्यूसेकने विसर्ग वाढविण्याचा निर्णय रद्द केला आहे. वारण धरणात ३०.३६ टीएमसी पाणीसाठा झाला असून धरण ८२.९९ टक्के भरले आहे. धरणातून १६ हजार ७८५ क्यूसेक विसर्ग सुरू आहे. धरणात ७६.७० टीएमसी पाणीसाठा असून ६२ टक्के धरण भरले आहे. धरणात दोन लाख १८ हजार २३० क्यूसेकने पाण्याची आवक होत आहे. धरणातून तीन लाख क्यूसेक विसर्ग सुरू आहे.
जिल्ह्यात ११.४ मिलीमीटरजिल्ह्यात शनिवारी सकाळी ८ वाजेपर्यंतच्या २४ तासात सरासरी ११.४ मिलीमीटर पावसाची नोंद झाली असून शिराळा तालुक्यात सर्वाधिक ४८.१ मिलीमीटर पावसाची नोंद झाली आहे. जिल्ह्यातील २४ तासातील पाऊस व कंसात १ जूनपासून आत्तापर्यंत पडलेल्या पावसाची तालुकानिहाय आकडेवारी मिलीमीटर मध्ये पुढीलप्रमाणे. मिरज ४.३ (४२४.७), जत ०.३ (२७२), खानापूर ३.३ (३४०), वाळवा २२.७ (६६५.१), तासगाव ३.७ (४१९.३), शिराळा ४८.१ (९९१.६), आटपाडी ४.४ (२४७.७), कवठेमहांकाळ १ (३७५.९), पलूस ६.९ (४५८.८), कडेगाव १०.४ (४४५).
जिल्ह्यातील पाणीपातळीपाणी पातळी - फूट इंचांमध्येकऱ्हाडचा कृष्णा पूल २५.०९बहे पूल १२.०८ताकारी पूल ४३.७भिलवडी पूल ४२.०८आयर्विन ४०अंकली पूल ४४.७म्हैसाळ बंधारा ५१.९राजापूर बंधारा ५०.०९
धरणामध्ये शनिवारचा पाणीसाठाधरण - आजचा पाणीसाठा - धरणाची क्षमताकोयना - ८२.९९ - १०५.९९धोम - ९.९५ - १३.५०कन्हेर - ८.४० - १०.१०वारणा - ३०.३६ - ३४.४०दूधगंगा - २१.२४ - २५.४०राधानगरी - ८.३२ - ८.३६तुळशी - ३.२५ - ३.४७कासारी - २.२८ - २.७७पाटगांव - ३.५९ - ३.७२धोम-बलकवडी - ३.३६ - ४.०८उरमोडी - ६.६० - ९.९७तारळी - ५.१० - ५.८५अलमट्टी - ७६.७० - १२३.०८