Sangli ZP Election Results 2026: खानापूर, आटपाडी तालुक्यात शिंदेसेनेची जोरदार मुसंडी

नेलकरंजी पंचायत समिती गणातून सुनीता सरगर तर खरसुंडी पंचायत समिती मीनाक्षी पुजारी विजयी

सांगली: जिल्हा परिषद आणि पंचायत समिती निवडणुकीत शिंदेसेनेने जोरदार मुसंडी मारल्याचे दिसत आहे. सहा फेऱ्यांचा निकाल हाती आला असून खानापूर तालुक्यातील चारही जिल्हा परिषद गट आणि आठ पंचायत समिती गणात शिंदेसेनेचे उमेदवार आघाडीवर आहेत.

आटपाडी तालुक्यातही दिघंची आणि खरसुंडी जिल्हा परिषद गट आणि पंचायत समिती गणात शिंदेसेनेचेच उमेदवार आघाडीवर आहेत. खरसुंडी गट आणि गणातील उमेदवार विजय झाले आहेत.

जिल्हा परिषद नागेवाडी गटातून - शीतल बाबर दोन हजार ४६ मतांनी आघाडीवर आहेत. लेंगरे गट - मनीषा बागल २३५ मतांनी आघाडीवर तर करंजे गट - सई शिंदे ४७ मतांनी आघाडीवर, भाळवणी गट - हिम्मतराव जाधव ५४९ मतांनी आघाडीवर आहेत.

खानापूर तालुक्यात चारही गटात शिंदे सेनेचे उमेदवार आघाडीवर आहेत. आटपाडी तालुक्यातील खरसुंडी गटातून शिंदेसेनेचे जयदीप भोसले विजय झाले आहेत. नेलकरंजी पंचायत समिती गणातून सुनीता सरगर तर खरसुंडी पंचायत समिती मीनाक्षी पुजारी विजयी झाल्या आहेत.