अशोक डोंबाळेसांगली : सर्वाधिक पावसासाठी ओळखल्या जाणाऱ्या जुलै महिन्यातच जिल्ह्यात पावसाची तब्बल १२२.७ टक्के तूट राहिली आहे. २०१५ नंतर पहिल्यांदाच जिल्ह्यात जुलै महिन्यात कमी पावसाची नोंद झाली आहे. दमदार पावसासाठी सांगलीकरांना अजून १५ ऑगस्टपर्यंत वाट पाहावी लागणार आहे. दुष्काळी जत, आटपाडी तालुक्यात गतवर्षीपेक्षा सर्वाधिक पाऊस झाला आहे.जिल्ह्यात पावसाळ्यातील चार महिन्यांत सर्वाधिक १९८ मिलिमीटर पाऊस जून महिन्यात होतो. त्यानंतर १३५.५ मिलिमीटर पाऊस हा जुलै महिन्यात होत असतो. गेल्या अनेक वर्षांपासून जुलै महिन्यात दमदार पाऊस झाला आहे. २०२४ व २०२३ या वर्षांमध्ये २०० मिलिमीटरपेक्षा अधिकचा पाऊस जुलै महिन्यात झाला. मात्र, यंदा जुलै महिना कोरडाच गेला आहे. जुलै महिन्यात यंदा केवळ ११७.३ मिलिमीटर म्हणजेच केवळ ८६.६ टक्के पाऊस झाला आहे. गेल्या दहा वर्षांतील जुलै महिन्यातील पावसाची आकडेवारी पाहिल्यास जुलै २०२५ मध्ये पडलेला सर्वाधिक कमी पाऊस झाला आहे. जुलै २०२४ मध्ये २८३.६ मिलिमीटर म्हणजेच २०९.३ टक्के पाऊस झाला होता. कृष्णा, वारणा नद्यांना महापूर आला होता. अखंडित २९ दिवस पाऊस झाला आहे. गतवर्षीपेक्षा १६६.३ मिलिमीटर म्हणजेच १२२.७ टक्के कमी पाऊस झाला आहे.
पावसाची स्थिती
- १०० टक्के किंवा त्यापेक्षा अधिक पाऊस झालेले तालुके - मिरज, जत, शिराळा, आटपाडी, कवठेमहांकाळ, पलूस
- ४५ ते ८० टक्क्यांपर्यंत पाऊस झालेले तालुके - जामनेर, जळगाव, एरंडोल, मुक्ताईनगर.
जुलै महिन्यातील पावसाचे प्रमाणतालुका जुलै २०२४ / जुलै २०२५पाऊस / टक्केवारी / पाऊस / टक्केवारीमिरज २३३.०४ / २४८.५ / ९५.०३ / १०६जत ५७.५ / ८२ / ७३.९ / १०५.४खानापूर १५४.३ / १५५.९ / ५९.७ / ६०.३वाळवा ४५७.८ / २७७.६ / १३१.१ / ७९.५तासगाव १९६.७ / १८४.९ / ७७.६ / ७२.९शिराळा ८६१.८ / २८१.९ / ३९०.५ / १२७.३आटपाडी ५५.७ / १३९.९ / ९४.३ / २३६.९क.महांकाळ १२७.१ / २२६. / ७२.६ / १२९.२पलूस २९४.३ / ५०२.२ / १०६.४ / १८१.६कडेगाव २५९.४ / १७३.७ / ७०.१ / ४७एकूण २८३.६ / २०९.३ / ११७.३ / ८६.६
मे महिन्यात पाऊस झाल्यामुळे मान्सूनचे चित्र पालटले आहे. सध्या पावसासाठी पोषक वातावरण दिसून येत नाही. ऑगस्ट महिन्यात आगामी आठवडाभर तरी पावसाची शक्यता दिसून येत नाही. केवळ सांगली जिल्हाच नाही, तर राज्यातील अनेक भागांमध्ये हीच स्थिती आहे. ऑगस्ट महिन्यात पाऊस मोठ्या प्रमाणात होतो, तरी १५ ऑगस्टनंतर परिस्थिती बदलू शकते. -राहुल पाटील, हवामान तज्ज्ञ.