Sangli News | Latest Sangli News in Marathi | Sangli Local News Updates | ताज्यबातम्या सांगली | सांगली समाचार | Sangli Newspaper

सांगली : तारळी धरणातून कृष्णा कालव्यात पाणी सोडण्यासाठी पलूसमध्ये शेतकऱ्यांनी आक्रमक आंदोलन केले. या आंदोलनाच्या लढ्याला आणि अधिकारी, लोकप्रतिनिधींच्या प्रयत्नाला अखेर यश आले आहे. बुधवारी सकाळी ११ वाजता तारळी धरणातून कृष्णा कालव्यात पाणी सोडले आहे. या निर्णयामुळे पलूस, वाळवा, तासगाव, मिरज तालुक्यांतील ५४ गावांच्या पाणीटंचाईचा प्रश्न सुटणार आहे.कृष्णा कालव्याचे पाणी पलूस तालुक्यातील तुपारी ते वसगडेपर्यंत जाते. तालुक्यातील बहुतांश शेती ही आरफळ व कृष्णा कालव्यावर अवलंबून आहे. मात्र, गेल्या अनेक दिवसांपासून आरफळ योजना व कृष्णा कालव्यात पाणी सोडले नसल्याने या भागातील शेती धोक्यात आली आहे. पाण्याअभावी सध्या ऊस, द्राक्ष, केळी, भाजीपाला, फुल शेतीसह अन्य पिके वाळली आहेत. तरीही जलसंपदा विभागाकडून पाणी सोडले जात नसल्यामुळे शेतकरी आक्रमक झाले होते. अनेकवेळा आंदोलने करुन ही अधिकारी दखल घेत नसल्याबद्दल ही शेतकऱ्यांनी तीव्र नाराजी व्यक्त केली होती. अखेर बुधवारी सकाळी ११ वाजता तारळी धरणातून कृष्णा कालव्यात पाणी सोडले आहे. एक टीएमसी पर्यंत पाणी मिळणार असल्यामुळे पिकांना जीवदान मिळणार आहे. सांगली जिल्ह्यातील पलूस, वाळवा, तासगाव व मिरज तालुक्यातील १३ हजार ३६६ हेक्टर क्षेत्रातील शेतीच्या पाण्याचा प्रश्न सुटणार आहे.

Sangli (Marathi News)

शेतकऱ्याशी केला करार ...

मिरजेत अंनिसचा उपक्रम ...

सांगलीतील एमडी कारखाना उद्ध्वस्त, गुन्हे शाखेची कारवाई ...

या विशेष रेल्वेची दि. ३१ मार्चपर्यंत मुदत होती ...

चार पिढ्यांची अखंड परंपरा : भाविकांनी लुटला शाकाहारी यात्रेचा आनंद ...

चार तालुक्यांना एक टीएमसी पर्यंत पाणी मिळणार ...