सांगली : जुलैचा तिसरा आठवडा आला तरी जिल्ह्यात वार्षिक सरासरीच्या केवळ ४० टक्केच पाऊस झाला आहे. अत्यल्प पर्जन्यमानाचा परिणाम थेट खरीप पेरणीवर होऊ लागला आहे. आतापर्यंत अवघ्या ६७ टक्के क्षेत्रावरील पेरणी पूर्ण झाली आहे. तब्बल ९३ हजार ७८ हेक्टर क्षेत्रावर अद्याप पेरणी झाली नाही. त्यामुळे शेतकरी मोठ्या पावसाकडे नजर लावून बसले आहेत.जिल्ह्यात खरिपाचे दोन लाख ८४ हजार ४१० हेक्टर क्षेत्र असून, त्यापैकी एक लाख ९१ हजार ३३२ हेक्टर क्षेत्रावर पेरणी झाली आहे. केवळ ६७ टक्के पेरणी झाली आहे. जुलै महिना संपत आला असतानाही ९३ हजार ७८ हेक्टरवर खरीप पिकांची पेरणीच झाली नाही. सोयाबीनचे सरासरी ४६ हजार ३३६ हेक्टर क्षेत्र असून, ३७ हजार ४२६ हेक्टर क्षेत्रावर पेरणी झाली आहे. ती ८१ टक्के आहे. मूग, उडीद, मटकी, तूर आदी कडधान्यांची पेरणी ७६ टक्के झाली आहे. भात १६ हजार ६४ हेक्टर क्षेत्र असून, ८८ टक्के पेरणी झाली आहे.प्रथमच १२ टक्के क्षेत्रात पेरणीच झालेली नाही. खरीप ज्वारीची २३ टक्के, तर बाजरीची ७३ टक्के पेरणी झाली आहे. पावसाचा जोर नसल्यामुळे उर्वरित क्षेत्रावर पेरणी होणार की नाही, या चिंतेत शेतकरी आहे.
तालुकानिहाय पेरणीतालुका - पेरणी टक्केवारीमिरज ६५.९जत १०३.३खानापूर १६.२वाळवा ७४.३आटपाडी २०.८पलूस ८४.६कडेगाव ४४.३शिराळा ८४.००तासगाव ५२.०७कवठेमहांकाळ ७२.४एकूण ६७.३जिल्ह्यात १८ जुलैपर्यंत तीन वर्षांचा पाऊस (मिलीमीटरमध्ये)तालुका - २०२२ - २०२१ - २०१९वाळवा - १६८.४ - २६८.८ - १७१पलूस - १४७.१ - २७०.९ - ८३तासगाव - १०७.८ - २९२१ - २०४शिराळा - ४२८.७ - २८२.२ - ३७३मिरज - १४३.३ - २५९.७ - १७१खानापूर - १२६.९ - १२८.३ - १२२आटपाडी - ६९.४ - १३९.८ - ९३क.महांकाळ - १८२.१ - १९२.२ - ११०जत - १०८.८ - २७०.८ - १२४कडेगाव - १७९.२ - १९६.७ - २०१
पाऊस कमी झाल्यामुळे खरीप पेरणी कमी झाली आहे. पण, सध्या पाऊस सुरू झाल्यामुळे पेरण्यांना या आठवड्यात गती मिळेल, अशी अपेक्षा आहे. बियाणे, रासायनिक खताचा पुरेसा साठा जिल्ह्यात उपलब्ध आहे. -प्रकाश सूर्यवंशी, प्रभारी जिल्हा अधीक्षक कृषी अधिकारी, सांगली.