डमी ११३१
लोकमत न्यूज नेटवर्क
सांगली : ‘मेरे पिया गये रंगून, किया है वहाँ से टेलिफून’, ‘टेलिफोन धून में हसने वाली’ अशा अनेक गाण्यांनी लँडलाईनवरील प्रेमाच्या कहाण्या चित्रपटांमधून मांडल्या. काळ बदलला आणि आता मोबाईलवरच्या प्रेमाची गाणी वाजू लागली. मोबाईलचा जमाना आला असला तरी आजही लँडलाईनची ट्रिंग ट्रिंग अनेक दुकाने, ऑफिसेस व अनेकांच्या घरातही ऐकायला मिळते अन् या दोन जमान्यांमधील फरकाची दोरही स्पष्टपणे दिसते.
एकेकाळी लँडलाईन, काॅईनबॉक्सची संख्या लाखोंच्या घरात होती. एसटीडी बुथ पावलोपावली दिसत होते. मोबाईल क्रांतीने जुन्या संपर्क माध्यमांवर अतिक्रमण केले आणि अनेकांच्या हातातून ही साधने जाऊन स्मार्टफोन आले. घरोघरी चार-चार मोबाईल आले, तरीही जुन्या पिढीतले काही लोक, व्यापारी, व्यावसायिक, बँका, कार्यालये यांच्या माध्यमातून लँडलाईनचे अस्तित्व काही प्रमाणात टिकून आहे.
चौकट
जिल्ह्यात केवळ १७ हजार लँडलाईन
जिल्ह्यातील लँडलाईनची संख्या सध्या १७ हजार १२१ इतकी आहे. लँडलाईनचा वापर करणाऱ्यांमध्ये विविध कंपन्या, शासकीय कार्यालये, बँका व अन्य व्यावसायिकांचे प्रमाण अधिक आहे.
चौकट
जिल्ह्यात २१० काॅईनबॉक्स
रुपया टाकून काॅईनबॉक्सवर बोलण्याचा जमानाही आता गेला. तरीही जिल्ह्यात अद्याप २१० काॅईनबॉक्स आहेत. काही वर्षांपूर्वी जिल्ह्यात पावलोपावली काॅईनबॉक्स दिसत होते. आता काॅईनबॉक्स शोधावे लागत आहेत.
चौकट
रेल्वे स्थानक, बसस्थानके, ग्रामीण भागातील काही दुकाने याठिकाणी हे काॅईनबॉक्स दिसून येतात. मोबाईल अचानक हरवला किंवा विसरलात तर काॅईनबॉक्सद्वारे संपर्क साधता येतो, मात्र काॅईनबॉक्स जवळ उपलब्ध असेलच असे नाही.
चौकट
म्हणून लँडलाईन आवश्यक
कोट
दुकानाची ओळख लँडलाईनशी जोडली गेलेली आहे. मोबाईलचा उपयोग हा अधिक असला तरी सुरक्षेच्या दृष्टीने लँडलाईन केव्हाही चांगला. इंटरनेटसाठीही हेच कनेक्शन बेस्ट आहे.
- महेश पाटील, लँडलाईन वापरकर्ते
कोट
वाडवडिलांची आठवण म्हणून सध्या लँडलाईन ठेवलेला आहे. आमच्या घरातील नवी पिढी लँडलाईनला हातही लावत नाही.
- मुजीर जांभळीकर, लँडलाईन वापरकर्ते