शिराळा : शिराळा शहरास तालुक्यात पावसाच्या लहानमोठ्या सरी सुरूच आहेत. चांदोली धरण पाणलोट क्षेत्रात तसेच धरण परिसरात अतिवृष्टी सुरू असल्याने चांदोली धरण ५३.४० टक्के भरले आहे. शहरासह आसपासच्या गावांना पाणीपुरवठा करणारे मोरणा धरण गुरुवारी (दि. १९) सायंकाळी सातच्या दरम्यान, तर शिवणी तलाव शुक्रवारी दुपारच्या दरम्यान भरून सांडव्यातून पाणी बाहेर पडले आहे. शिराळा पश्चिम भागात मुसळधार पाऊस सुरू असून, कोकरुड-रेठरे बंधारा पाण्याखाली गेला आहे.पावसामुळे वाकुर्डे बुद्रुक येथील करमजाई तलाव, अंत्री बुद्रुक तलाव, रेठरे धरण अगोदरच भरले असून, आता मोरणा धरण गुरुवारी सायंकाळी सातच्या दरम्यान व शिवणी धरण शुक्रवारी दुपारी बाराच्या दरम्यान शंभर टक्के भरून सांडव्यांतून पाणी बाहेर पडले आहे. गिरजवडे धरणातून पाणी सोडण्यात येत असल्याने पाणीसाठा स्थिर आहे. सततच्या पावसामुळे शेतात मोठ्या प्रमाणात पाणी साचले यामुळे मोठे नुकसान झाले आहे.चांदोली धरण पाणलोट क्षेत्रातील निवळे, पाथरपुंज, चांदोली येथे अतिवृष्टी सुरू असल्याने पाणीसाठ्यात झपाट्याने वाढ होत आहे. गतवर्षी १०.४२ टीएमसी पाणीसाठा होता, तर यावर्षी १७.९९ टीएमसी पाणीसाठा झाला आहे. चांदोली धरणात ११ हजार २५० क्यूसेकने आवक, तर वीजनिर्मिती केंद्रातून १५३० क्यूसेकने नदीपात्रात विसर्ग सुरू आहे. यामुळे वारणा नदीच्या पाणी पातळीत वाढ होत आहे. दि. २३ मेपासून आज अखेर ४.५५ टीएमसी पाणीसाठ्यात वाढ झाली आहे. शिराळा, मांगले, सागाव, कोकरूड, आरळा, चरण, वाकुर्डे, शिरशीसह तालुक्यात पावसाने हजेरी लावली आहे.शिराळा परिसरातील तलाव व धरणातील पाणीसाठामोरणा धरण - १०० टक्केकरमजाई तलाव- १०० टक्केमानकरवाडी तलाव - १०० टक्केशिवणी तलाव - १०० टक्केटाकवे तलाव - ७५ टक्केरेठरे धरण - १०० टक्केकार्वे तलाव - ३३ टक्केगिरजवडे मध्यम प्रकल्प- ७२ टक्केचांदोली धरण- ५२.२८ टक्के
मंडलनिहाय पडलेला पाऊस कंसात एकूण पाऊस मिलीमीटरमध्येकोकरूड २०.८० (२३५.५०)शिराळा ४ (१८३.१००)शिरशी २९.३० (२४३.३०)मांगले ४ (१६६.६० )सागाव ५.८० (१५६.१०)चरण ३७.८० (३९०.३०० )वारणावती ७१ (५२९.००)