शहरं
Join us  
Trending Stories
1
Pune Rave Party: पुण्यात मोठी रेव्ह पार्टी...! एकनाथ खडसेंचा जावई ताब्यात, प्रसिद्ध बुकीसोबत दोन तरुणीही...
2
'गिरीश महाजन नावाचा सांड मोकाट सुटलाय; फडणवीसांना...', संजय राऊतांचे टीकास्त्र
3
Pranjal Khewalkar Pune Rave Party: तीन फ्लॅट बुक, तीन महिला गायब...! नुसती रेव्ह पार्टी होती की आणखी काही...; मोठी अपडेट समोर
4
एकनाथ खडसेंचा जावई रेव्ह पार्टीत रंगेहाथ सापडला, तरी सुषमा अंधारे म्हणतात...
5
पुण्यातील रेव्ह पार्टीत सापडलेले खडसेंचे जावई प्रांजल खेवलकर नेमका काय व्यवसाय करतात?
6
Girish Mahajan : रेव्ह पार्टीत रोहिणी खडसेंच्या पतीला अटक; गिरीश महाजन म्हणतात, "नाथाभाऊंनी जावईबापुंना..."
7
एअर इंडिया अपघात एक रहस्यच राहणार? शेवटच्या १० मिनिटांत ब्लॅक बॉक्समध्ये रेकॉर्डिंगच झाले नाही 
8
ट्रम्प यांचा युद्धविरामाचा दावा ठरला फोल; थायलंड आणि कंबोडियामधील तणाव चौथ्या दिवशीही कायम
9
धक्कादायक! हरिद्वारमधील मनसा देवी मंदिरात चेंगराचेंगरी, ६ भाविकांचा मृत्यू, अनेक जण जखमी
10
हे काय चाललेय! एअर इंडियात पदावर एक, निर्णय घेतो भलताच; सरकारने एअर इंडियाला सुनावले...
11
"निलेश साबळे आणि भाऊ कदम हवे होते...", नवीन 'चला हवा येऊ द्या'च्या पहिल्या एपिसोडनंतर प्रेक्षकांच्या प्रतिक्रिया
12
"भयंकर परिणाम होतील...", ऊर्जामंत्री एके शर्मा संतापले; वीज अधिकाऱ्याचा ऑडिओ केला शेअर
13
माणिकराव कोकाटेंना साडेसातीची झळ, शनिदेव तारणार की राजकरणातून ‘मुक्ती’ देणार? लवकरच कळेल!
14
सोने ₹३२,००० वरून थेट १ लाखांवर! गेल्या ६ वर्षात २००% वाढ, पुढील ५ वर्षात 'इतकं' महाग होणार!
15
रात्री १२ वाजता सलमान खानची पोस्ट, म्हणाला, "बाबांचं आधीच ऐकलं असतं तर..."
16
Video - अमेरिकेत मोठी दुर्घटना टळली! टेकऑफ दरम्यान लँडिंग गियरला आग, विमानात होते १७९ जण
17
‘धनुष्यबाण-घड्याळ’ वाटपात कौशल्य; महायुतीच्या कामी आल्याचे राहुल नार्वेकरांना बक्षीस मिळणार!
18
७ तासांपेक्षा कमी किंवा ९ तासांपेक्षा जास्त झोपता? लवकर मृत्यूचा धोका, रिसर्चमध्ये मोठा खुलासा
19
ती तरुणी ओळखीच्या दुकानदारासोबत एक रात्र होती; लोणावळ्यात तिघांनी अत्याचार करून कारमधून फेकल्याच्या घटनेवर मोठा खुलासा
20
हायव्होल्टेज ड्रामा! पोराला घेऊन बॉयफ्रेंडच्या घरी गर्लफ्रेंड; बायको म्हणते "माझा नवरा असा नाही, हीच..."

Sangli Politics: महायुतीत गडबड, महाविकास आघाडीत पडझड

By अविनाश कोळी | Updated: May 17, 2025 19:35 IST

स्थानिक स्वराज्य संस्थांच्या निवडणुकीच्या तयारीला अडथळ्यांची शर्यत

अविनाश कोळीसांगली : स्थानिक स्वराज्य संस्थांच्या निवडणुकीसाठी मैदान सज्जतेची तयारी सुरू असताना गोंधळलेल्या राजकीय भूमिकांच्या संभ्रमाचे ढग दाटले आहेत. महाविकास आघाडीत संघटनात्मक भिंतीची पडझड सुरू आहे, तर महायुतीत मित्रपक्षांमधील सूर बिघडले आहेत. त्यामुळे मैदानात युती, आघाडीचे झेंडे फडकणार की स्वबळाचा नारा देत स्वतंत्र पक्षांचे शड्डू घुमणार, याकडे जिल्ह्याचे लक्ष लागले आहे.

महाविकास आघाडीमहायुतीत अनेक मित्रपक्ष असले तरी मुख्य लढत ही भाजप, दोन्ही राष्ट्रवादी व काँग्रेस यांच्यातच राहणार आहे. महापालिका, नगरपालिका, जिल्हा परिषद यांच्या कार्यक्षेत्रात आतापासून निवडणुकांच्या दृष्टीने इच्छुकांची चाचपणी सुरू झाली आहे. मात्र, पक्षीय भूमिकांवरून गोंधळ सुरू आहे. मुख्यमंत्री देवेंद्र फडणवीस यांनी महायुतीमार्फत राज्यातील स्थानिक स्वराज्य संस्थांच्या निवडणुका लढविण्यात येतील, असे स्पष्ट केले आहे. मात्र, स्थानिक पातळीवरील कार्यकर्त्यांची मते विचारात घेऊन काही ठिकाणी जागा वाटपाचा तिढा सुटला नाही, तर स्वबळावर लढण्याची तयारी असल्याचेही त्यांनी सांगितले.महाविकास आघाडीत मात्र अजूनही कोणतीही भूमिका ठरलेली नाही. राज्य स्तरावर याबाबतची भूमिका स्पष्ट नसल्याने आघाडीत संभ्रम आहे. जिल्ह्यातील स्थानिक स्वराज्य संस्थांच्या कार्यक्षेत्रात राष्ट्रवादी शरदचंद्र पवार पक्ष व काँग्रेसमध्ये फारसे सख्य नाही. अनेक ठिकाणी दोन्ही पक्षांची तोंडे वेगवेगळ्या दिशेला दिसतात. महायुतीतही भाजप व राष्ट्रवादी अजित पवार गटाचे सूर जुळत नसल्याचे दिसून येते. काही ठिकाणी शिंदेसेनेचे तर मोजक्या ठिकाणी उद्धवसेनेचे अस्तित्व दिसून येत असले तरी प्रमुख पक्षांच्या तुलनेत ते फार नगण्य आहे.

आघाड्यांमधून पळवाट

आष्टा, इस्लामपूर नगरपालिकांच्या कार्यक्षेत्रात स्थानिक आघाड्या करून निवडणुका लढविल्या जातात. त्यामुळे महाविकास आघाडी किंवा महायुतीचा फाॅर्म्युला या परंपरेला छेद देणार की जुन्या राजकीय परंपरा कायम राखल्या जाणार, हा चर्चेचा प्रश्न आहे.चौकट

महापालिका क्षेत्रात आघाडीत पडझडसांगली, मिरज, कुपवाड महापालिका क्षेत्रातील महाविकास आघाडीत काँग्रेस व राष्ट्रवादी शरदचंद्र पवार पक्षाची ताकद अधिक होती. मात्र, गेल्या काही महिन्यांपासून काँग्रेसमध्ये गटबाजी उफाळली आहे. पक्ष सोडण्याकडे अनेकांचा कल आहे. जयंत पाटील यांचे अनेक समर्थक असलेले माजी नगरसेवक अजित पवार गटात दाखल झाले आहेत. त्यामुळे या दोन्ही पक्षांची महापालिका क्षेत्रात मोठी पडझड झाल्याचे दिसून येते. दुसरीकडे भाजपची ताकद वाढली आहे.नगरपालिकांत काय होणार?

इस्लामपूर : मागील नगरपालिका निवडणुकीत जयंत पाटील यांच्या नेतृत्वाखालील राष्ट्रवादीची सत्तेपर्यंत जाताना दमछाक झाली. त्यांना काठावर जागा मिळाल्या. त्यांच्या विरोधातील विकास आघाडीने नगराध्यक्षपद पटकाविले होते. सद्यस्थितीत याठिकाणी दोन्ही राष्ट्रवादी, भाजप, शिंदेसेना हे पक्ष ताकद आजमावणार आहेत. काँग्रेस पक्षाची भूमिका अद्याप स्पष्ट नाही.आष्टा : जयंत पाटील व दिवंगत नेते विलासराव शिंदे यांच्या आघाडीची दीर्घकाळ सत्ता आहे. याठिकाणी राष्ट्रवादी अजित पवार गट, भाजप काहीअंशी ताकद आहे.

जत : मागील पालिका निवडणुकीत काँग्रेस व राष्ट्रवादीने एकत्रित येत सत्ता घेतली होती. यावेळी महाविकास आघाडी विरुद्ध महायुती अशी लढत देण्याची तयारी असली तरी दोन्हीकडील मित्रपक्षांचे सूर अद्याप जुळले नाहीत.विटा : गत निवडणुकीत काँग्रेसने सत्ता मिळविली होती. यावेळी राष्ट्रवादी शरदचंद्र पवार पक्ष विरुद्ध शिंदेसेना अशी लढत होण्याची शक्यता आहे.

पलूस : काँग्रेसने याठिकाणी गत निवडणुकीत सत्तास्थापन केली होती. आगामी निवडणुकीत काँग्रेस, भाजप, राष्ट्रवादी शरदचंद्र पवार पक्ष ताकद आजमावतील. काँग्रेसचे आमदार विश्वजित कदम, राष्ट्रवादी शरदचंद्र पवार पक्षाचे आमदार अरुण लाड, शरद लाड तसेच भाजपचे संग्रामसिंह देशमुख, पृथ्वीराज देशमुख हे नेते पालिकेची निवडणूक प्रतिष्ठेची करणार आहेत.तासगाव : माजी खासदार संजय पाटील यांच्या नेतृत्वात मागील निवडणुकीत भाजपने सत्ता मिळविली होती. आता संजय पाटील राष्ट्रवादी अजित पवार गटात आहेत. त्यामुळे यावेळी राष्ट्रवादी शरदचंद्र पवार पक्षाचे आमदार रोहित पाटील विरुद्ध संजय पाटील यांच्यात पालिकेचा सामना रंगणार आहे.

टॅग्स :SangliसांगलीPoliticsराजकारणElectionनिवडणूक 2024MahayutiमहायुतीMahavikas Aghadiमहाविकास आघाडी