सी वर्ल्डवरून कोंडीत पकडण्याचा प्रयत्न

मालवणची आमसभा : काँग्रेस, मनसे आक्रमक, वैभव नाईक यांचेही चोख प्रत्युत्तर

चिपळूण : जमीन, पाणी, हवा प्रदूषित करुन मनुष्य, जलचर, पशुपक्षी व शेतीवाडी धोक्यात आणणाऱ्या प्रकल्पांच्या विरोधात लढण्यासाठी आम्ही कटिबध्द आहोत. राज्याच्या व पर्यायाने देशाच्या विकासासाठी वरील सूत्र पाळून येणाऱ्या कारखान्यांच्या स्वागतालाही आम्ही तयार आहोत. आम्ही विकासविरोधी नसून, चिरंजिवी विकासासाठी कृतिशील नागरिक आहोत, असे उद्गार नऊगाव मानव हक्क संरक्षण समितीचे अध्यक्ष हुसैन ठाकूर यांनी काढले. ते कोकाकोला कंपनी व लोटे विस्तारित औद्योगिक क्षेत्रातील जनसंघटनांच्या संयुक्त बैठकीत बोलत होते. या बैठकीत लोटे औद्योगिक विस्तार क्षेत्रात कोकाकोला कंपनी उभारण्याचा निर्णय कंपनीच्या मुख्य प्रतिनिधींनी घोषित केला. उत्साही वातावरणात या घोषणेचे स्वागत करण्यात आले. यामुळे रोजगाराच्या संधी उपलब्ध होतील, असा आशावाद व्यक्त करण्यात आला.यावेळी ठाकूर यांनी कंपनीचे आशुतोष सिंग यांचे स्वागत केले. ठाकूर यांनी विस्तारित औद्योगिक क्षेत्रातील संघर्षाची तसेच प्रस्तावित उद्योगांकडून असलेल्या अपेक्षांची मांडणी केली. डॉ. अशोक शिंदे यांनी उच्च न्यायालयाच्या निर्णयाचा दाखला देऊन या क्षेत्रात येणाऱ्या कारखानदारांनी प्रदूषणाची काळजी घेतल्यास व स्थानिकांना रोजगाराची संधी दिल्यास अशा कारखानदारीचे स्वागत करण्यास समिती तयार असल्याची ग्वाही दिली. कोकाकोलाचे उपाध्यक्ष (पब्लिक अपेअर्स) आशुतोष सिंग यांनी कंपनीची उत्पादने, गुंतवणूक, उत्पादन प्रक्रिया, प्रदूषण नियंत्रण व्यवस्था, रोजगार उपलब्धता आदी विषयक विस्ताराने मांडणी करुन पर्यावरण संरक्षणासाठी तसेच प्रकल्प बाधितांसाठी कंपनीकडून राबविण्यात येणाऱ्या उपक्रमाची मांडणी केली व लोकहितासाठी जागृत राहून कृतिशील असणाऱ्या लोकसंघटनांचे कौतुक केले. आजच्या संवाद बैठकीतून कंपनी प्रस्थापनाच्या दिशेने तातडीने सुरुवात करेल, असे त्यांनी सूचित केले. याप्रसंगी कोकाकोलाच्या शरण खन्ना व प्रसाद शिवलकर हे अधिकारी उपस्थित होते. तसेच मानव हक्क संरक्षण समितीचे राजाराम गुणदेकर, अनंत पालकर, इब्राहिम घारे, गंगाराम गोटल, प्रवीण नायनाक व दक्षता समिती, असगणीचे अध्यक्ष गंगाराम इप्ते, सुरेश नायनाक तसेच अन्य पदाधिकारी व सदस्य उपस्थित होते. (प्रतिनिधी)ग्रामस्थ जमीन, पाणी, हवा प्रदूषित करुन मनुष्य, जलचर, पशुपक्षी व शेतीवाडी धोक्यात आणणाऱ्या प्रकल्पांच्या विरोधात : ठाकूर.कोकाकोला प्रकल्पामुळे रोजगाराच्या संधी उपलब्ध होणार.स्थानिकांना रोजगार व प्रदूषणमुक्तीचे आश्वासन दिल्यास स्वागत : ठाकूर.