Ratnagiri News | Latest Ratnagiri News in Marathi | Ratnagiri Local News Updates | ताज्या बातम्या रत्नागिरी | रत्नागिरी समाचार | Ratnagiri Newspaper

लाेकमत न्यूज नेटवर्कदेवरुख : संगमेश्वर तालुक्यातील कासारकोळवण डाफळे वाडीतील एका तरुणाने शुक्रवारी सकाळी गळफास लावून घेऊन आत्महत्या केल्याची खळबळजनक घटना घडली. आत्महत्या केलेल्या तरुणाचे नाव प्रवीण जयराम डाफळे (वय ३५) असे आहे. आत्महत्येचे कारण मात्र समजू शकलेले नाही.याबाबत देवरुख पोलीस ठाण्यातून मिळालेल्या माहितीनुसार, याची फिर्याद सहदेव तुकाराम करंबेळे यांनी दिली आहे. प्रवीण याने घरात कोणी नसताना घराच्या मधल्या खोलीत पायाखाली रिकामी गॅसची सिलेंडर टाकी घेऊन लाकडी बाराला नायलॉन दोरीने गळफास लावून घेत शुक्रवारी सकाळी ८.३० वाजता आत्महत्या केली. आत्महत्येचे वृत्त कळताच देवरुख पोलीस ठाण्याचे पोलीस निरीक्षक मारुती जगताप, उपनिरीक्षक प्रकाश बाईंग, हेडकॉन्स्टेबल संजय मारळकर, सचिन भुजबळराव, रोहित जाधव, प्रशांत नागवेकर यांनी घटनास्थळी जात पंचनामा केला आहे. तर प्रवीण याचे शवविच्छेदन साखरपा प्राथमिक आरोग्य केंद्रात करण्यात आले. सायंकाळी ६ वाजेनंतर नातेवाईकांच्या ताब्यात प्रवीण याचा मृतदेह देण्यात आला. प्रवीण डाफळे यांच्या पश्चात आई, पत्नी आणि मुलगा असा परिवार आहे. अधिक तपास पोलीस उपनिरीक्षक प्रकाश बाईंग करत आहेत.चाैकटमदतीसाठी धावणाराकासारकोळवण येथे २९ मार्च रोजी सायंकाळी साडेतीनच्या सुमारास पोहायला गेलेले संजय करंबेळे हे बुडून मृत्युमुखी पावले. त्यांना पाण्यातून बाहेर काढून संजय ग्रामीण रुग्णालयात प्रवीण डाफळे यांनी नेले होते. या घटनेची फिर्याद प्रवीण यांनीच दिली होती. दुसऱ्यांच्या मदतीसाठी धावणार प्रवीण डाफळे याने आत्महत्येचे पाऊल का उचलले, असा प्रश्न अनेकांना पडला आहे.

Ratnagiri (Marathi News)