मुंबई-गोवा महामार्गाचे चौपदरीकरण पुढील वर्षी पूर्ण होणारच!

कशेडी बोगद्याचे १५० मीटर खोदकाम पूर्ण झाले असून, उर्वरित काम विहीत मुदतीत पूर्ण करण्यात येईल, तसेच मुंबई-गोवा महामार्गाचे काम डिसेंबर, २०२० पर्यंत पूर्ण होईल, असा विश्वास चंद्रकांत पाटील यांनी व्यक्त केला.

रत्नागिरी : कशेडी बोगद्याचे १५० मीटर खोदकाम पूर्ण झाले असून, उर्वरित काम विहीत मुदतीत पूर्ण करण्यात येईल, तसेच मुंबई-गोवा महामार्गाचे काम डिसेंबर, २०२० पर्यंत पूर्ण होईल, असा विश्वास चंद्रकांत पाटील यांनी व्यक्त केला.
मुंबई-गोवा महामार्गावरील कशेडी बोगद्याच्या बांधकामाची, तसेच मुंबई-गोवा महामार्गाची पाहणी महसूल व सार्वजनिके बांधकाममंत्री चंद्रकांत पाटील यांनी केली, त्यावेळी ते बोलत होते. गणेशोत्सवात कोकणात येणाऱ्या चाकरमान्यांचा या महामार्गावरून प्रवास सुखकर होईल, याची पूर्ण दक्षता घेण्याचे आदेशही संबंधित अधिकाऱ्यांना त्यांनी या वेळी दिले.