मेष: भाग्याची उत्तम साथ लाभेल. चांगले प्रवास घडतील. नोकरीत थोडे जास्त परिश्रम करावे लागतील. आर्थिक आवक चांगली राहील. बदलीचीदेखील शक्यता आहे.
वृषभ: महत्त्वाच्या वस्तू, कागदपत्रे सांभाळा. भामट्यांपासून सावध राहा. नोकरीत गुप्त शत्रू डोके वर काढतील. विविध प्रकारच्या भेटवस्तू मिळतील. जीवनसाथीशी वाद टाळणे योग्य ठरेल. आरोग्याची काळजी घ्या.
मिथुन: सार्वजनिक कार्यात मान-सन्मान मिळेल. आर्थिक लाभ होतील. फसवणूक होणार नाही, याची काळजी घ्या. गुप्त शत्रू कारवाया चालू ठेवतील. मात्र, आपण केवळ आपल्या कामावर लक्ष केंद्रीत ठेवणे उपयुक्त ठरेल.
कर्क: काहींना अचानक धनलाभ होईल. महत्त्वाच्या कामात व्यत्यय येऊ शकेल. मुलांशी वादविवाद टाळा. प्रवासात सतर्क राहणे आवश्यक आहे. संयम सोडू नका. तब्येतीकडे दुर्लक्ष करू नका.
सिंह: ओळखीतून फायदा होईल. प्रवासात काळजी घ्या. मुलांची काळजी घ्या. त्यांच्याशी संवाद साधा. जीवनसाथीशी गैरसमज होणार नाही याकडे पाहा. आर्थिक आवक चांगली राहील.
कन्या: सुखसोयींत वाढ होईल. नोकरीत प्रगतीकारक काळ. उच्च अधिकार मिळतील. जोडीदाराची साथ चांगली राहील. तरुण वर्गाला प्रेमात यश मिळेल. व्यवसायात धाडसी निर्णय घ्याल.
तूळ: चांगल्या बातम्या कानावर पडतील. अनेक क्षेत्रात आपल्याला यश मिळेल. मनात सकारात्मक आणि आनंदी विचार राहतील. मन प्रसन्न राहील. अनोळखी लोकांशी जास्त सलगी करू नका.
वृश्चिक: व्यवसायात चांगली विक्री राहील. महत्त्वाचे निरोप समजतील. अडकलेली कामे मार्गी लागतील. मुलांना उत्तम यश मिळेल. जीवनसाथीशी वाद वाढवू नका. रागावर नियंत्रण ठेवा.
धनु: व्यवसायामध्ये भरभराट होईल. आर्थिक आवक चांगली राहील. मन प्रसन्न राहील. तरुण वर्गाला प्रेमात यश मिळू शकेल. काहींना भेटवस्तू मिळतील. महत्त्वाची कामे मार्गी लागतील. विविध कामांमध्ये यश मिळेल.
मकर: कुठल्याही प्रलोभनाला बळी पडू नका. खर्चावर नियंत्रण ठेवा. कागदपत्रे नीट वाचून मगच सही करावी. कुणाला जामीन राहू नका. वादविवादापासून दूर राहा. व्यवहारात दक्षता घ्या. संयमाने वागा.
कुंभ: जमिनीच्या व्यवहारात यश मिळू शकेल. दूरच्या प्रवासाचे योग आहेत. माहिती घेऊन मगच निर्णय घ्या. सरकारी कामे मार्गी लागतील. आर्थिक प्रगतीचे योग जुळून येऊ शकतील. नवीन नोकरीच्या उत्तम संधी उपलब्ध होतील.
मीन: आर्थिक लाभ चांगले होतील. भेटवस्तू मिळतील. धार्मिक कार्यानिमित्त दूरचे प्रवास घडू शकतील. योग्य सल्ला आणि मार्गदर्शन घेऊनच अंतिम निर्णय घ्या. घरी पाहुण्याची वर्दळ राहील. सहकाऱ्यांचे उत्तम सहकार्य लाभेल.