Raigad News | Latest Raigad News in Marathi | Raigad Local News Updates | ताज्यबातम्या रायगड | रायगड समाचार | Raigad Newspaper

- अरुणकुमार मेहत्रेलोकमत न्यूज नेटवर्ककळंबोली : गत वर्षात कामागारांचे झालेले हाल, यंदा कोरोनाच्या दुसऱ्या लाटेत त्याची पुनरावृत्ती होत आहे. घरकाम करणाऱ्या मोलकरणींवर उपासमारीची वेळ आली आहे. कोरोनाच्या भीतीने अनेक घरांत काम करणाऱ्या स्त्रियांना काम करण्यास मनाई केली जात आहे. त्यामुळे घरकाम करणाऱ्यांसमोर मोठा पेच निर्माण झाला आहे. कुटुंबाचा गाडा कसा हाकायचा, असा प्रश्न त्यांच्यासमोर निर्माण झाला आहे. पनवेल परिसरात रहिवासी भयभीत झाले आहेत. त्यामुळे काम करणाऱ्या स्त्रियांना कामावर येण्यास मनाई करत आहेत. त्यामुळे घरकाम करणाऱ्या महिलांना काम शोधण्याची वेळ आली आहे. एका घरी काम करून महिन्याला हजार ते बाराशे रुपये मिळतात. एक मोलकरीण साधरणत: तीन- चार घरी काम करत असते. यातून मिळणाऱ्या पैशातून आपल्या कुटुंबाचा उदरनिर्वाह केला जातो. मात्र, आता काही घरांनी तूर्त काम बंद केल्याने घरी बसून राहण्याशिवाय पर्याय नसल्याचे काहींचे म्हणणे आहे.घर कसे चालवायचे, याचीच चिंतावर्षभरापासून महागाईचा भडका उडत चालला आहे. घरसामान खरेदीसाठी पैसे जास्त मोजावे लागतात. कोरोनामुळे सर्वांच्या मनात भीती निर्माण झाली आहे. कामावर जाता येत नसल्याने नवीन संकट निर्माण झाले आहे. घर कसे चालवायचे, असा प्रश्न महिलासमोर उभा राहिला आहे. त्याचबरोबर आजारपण , लाइट बिल , पाणी बिल , अन्नधान्य खरेदीसाठी पैशाची चणचण भासत आहे.एका घरातून मिळतात ७०० ते ९०० रुपयेअनेक घरी काम केले तरच चार पैसे मिळतात. गत वर्षी खूप उपासमार झाली. उसनवारी करत दिवस काढले. यंदा तरी चांगले दिवस येतील अशी आशा होती; पण पुन्हा कोरोनाने डोके वर काढल्याने अनेक ठिकाणचे काम बंद झाले आहे. काय करावे सुचत नाही. -इंदुमती पवार, मोलकरीणसरकारने गहू आणि तांदूळ मोफत देण्याची घोषणा केली आहे; पण ते किती दिवस पुरणार. पनवेल येथे ऑफिसची साफसफाईचे काम करत होते ते बंद झाले आहे. आता एका घरी काम करते आहे. त्यातून ६०० रुपये मिळतात. त्यातून माझे घर कसे चालवणार, हा प्रश्न आहे. -नीला सरवदे, मोलकरीणगेल्या तीन वर्षांपासून पाच घरी काम करत आहे. त्यातून चांगले पैसे मिळत असत; परंतु गतवर्षीपासून कोरोनाचे ग्रहण लागले आहे. त्यामुळे दोनच घरी काम करते आहे. काय करणार यातून घर भागत नाही. - प्रिया पवार, मोलकरीण

Raigad (Marathi News)

दारिद्र्य रेषेखालील नागरिकांना लाभ ...

वृद्धाश्रमात सुविधा पुरविताना अडचणी ...

महाड तालुक्यात रुग्णसंख्येत वाढ : दासगाव प्राथमिक आरोग्य केंद्रात लसीसाठी रांग ...

बेजबाबदारपणाला घरातल्यांनीच लगाम लावण्याची गरज ...

कोरोनाबाधित रुग्णांच्या नातेवाइकांनी फाेडला टाहाे ...

कळंबोली रेल्वे स्थानकावर तयारी सुरु ...

नियम तोडणाऱ्यांवर कारवाई : ठिकठिकाणी पोलिसांकडून नाकाबंदी; स्थानिक प्रशासन झाले सज्ज ...

कोरोनामुळे निराशा : व्यावसायिकांवर उपासमारीची वेळ ...

पनवेल परिसरातील स्थिती : नुसते बसून राहण्याशिवाय पर्याय नाही ...