खोपोली : मुंबई-पुणे द्रुतगती मार्गावर बुधवारी सकाळी भरधाव कंटेनरने पाच वाहनांना जोरदार धडक दिली. या अपघातात कारमधील तिघांचा जागीच मृत्यू झाला, तर दुसऱ्या कारमधील चार प्रवाशांसह कंटेनरचालकही जखमी झाला. सकाळी दहाच्या सुमारास झालेल्या अपघातात सहाही वाहनांचा चक्काचूर झाला.
मुंबई-पुणे द्रुतगती मार्गावरून कंटेनर चालक अवधेश यादव (३७, उत्तर प्रदेश) हा कंटेनर घेऊन मुंबईकडे जात असताना खोपोली एक्झिटला धडक देऊन पुढे कारला धडक दिली. त्यानंतर कंटेनरने पुढे बल्करला मागून जोरदार धडक दिली. अपघातात कारमधील श्रीकांत जाधव ( ६३, पुणे), अंबादास पेटारे (पुणे), प्रमोद पवार या तिघांचा जागीच मृत्यू झाला आहे, तर दुसऱ्या कारमधील स्वप्नील भुजबळ, नवनाथ भुजबळ, अक्षय गायकवाड, भानुदास गायकवाड आणि कंटेनर चालक अवधेश यादव हे जखमी झाले.
खोपोली नगरपालिकेच्या रुग्णालयात जखमींवर उपचार सुरूअपघाताची माहिती मिळताच बोरघाट महामार्ग पोलिस, खोपोली पोलिस, आयआरबी पेट्रोलिंग, अपघातग्रस्त टीमचे सदस्य, डेल्टा फोर्स, महाराष्ट्र सुरक्षा बल, मृत्युंजय टीम आदींनी घटनास्थळी दाखल होत कारमध्ये अडकलेल्या प्रवाशांना तत्काळ बाहेर काढून खोपोली नगरपालिकेच्या रुग्णालयात दाखल केले. तिघांचे मृतदेह खालापूर येथे शवविच्छेदनासाठी पाठविण्यात आले आहेत.
Web Summary : A speeding container truck collided with multiple vehicles on the Mumbai-Pune Expressway near Khopoli, killing three and injuring five. The accident involved six vehicles, causing significant damage and disrupting traffic. Injured were admitted to Khopoli hospital.
Web Summary : खोपोली के पास मुंबई-पुणे एक्सप्रेसवे पर एक तेज रफ्तार कंटेनर ट्रक ने कई वाहनों को टक्कर मार दी, जिससे तीन लोगों की मौत हो गई और पांच घायल हो गए। दुर्घटना में छह वाहन शामिल थे, जिससे काफी नुकसान हुआ और यातायात बाधित हो गया। घायलों को खोपोली अस्पताल में भर्ती कराया गया।