पुणे : जिल्हा परिषद व पंचायत समिती निवडणुकांसाठीच्या जाहीर प्रचाराची समाप्ती गुरुवारी (दि.५) रात्री १० वाजता होणार असून, त्यानंतर प्रचाराच्या कुठल्याच जाहिराती प्रसिद्ध किंवा प्रसारित करता येणार नाहीत. त्यामुळे मतदानाच्या दिवशी अर्थात (दि. ७) मुद्रित माध्यमांतदेखील जाहिराती प्रसिद्ध करू नयेत, अशी माहिती जिल्हाधिकारी तथा जिल्हा निवडणूक अधिकारी जितेंद्र डुडी यांनी दिली.
जिल्हा परिषद व पंचायत समिती निवडणुकांसाठी शनिवारी (दि. ७) मतदान होत असून, कोणतीही व्यक्ती कोणत्याही मतदारसंघामध्ये मतदानास सुरुवात होण्यापूर्वी चोवीस तासांमध्ये कोणतीही सार्वजनिक सभा बोलाविणार नाही, भरविणार नाही किंवा अशा सभेस हजर राहणार नाही.
प्रचार संपल्यानंतर आणि मतदानाच्या दिवशी मुद्रित माध्यमे, इलेक्ट्रॉनिक माध्यमे किंवा समाजमाध्यमांमध्ये कुठल्याही जाहिराती प्रसिद्ध अथवा प्रसारित करता येणार नाहीत, तसेच प्रचारसभा, प्रचारफेऱ्या, ध्वनिक्षेपक इत्यादींसह अन्य प्रकारे जाहीर प्रचार करता येणार नाही, अशी माहिती डुडी यांनी दिली.
Web Summary : Ahead of Pune Zilla Parishad elections, advertising is banned 24 hours before polling starts. This includes print, electronic, and social media. Meetings and processions are also prohibited.
Web Summary : पुणे जिला परिषद चुनाव से पहले, मतदान शुरू होने से 24 घंटे पहले विज्ञापनों पर प्रतिबंध है। इसमें प्रिंट, इलेक्ट्रॉनिक और सोशल मीडिया शामिल हैं। बैठकें और जुलूस भी निषिद्ध हैं।