वाढदिवसाच्या दिवशीच युवकाची गळफास घेऊन आत्महत्या

आत्महत्त्येचे कारण अस्पष्ट..

राजगुरुनगर : वाढदिवसाच्या दिवशीच एका ३२ वर्षीय युवकाने गळफास घेऊन आत्महत्या केली असल्याची घटना घडली आहे. सागर पंढरीनाथ टकले (रा. आझाद चौक, राजगुरुनगर ) असे आमहत्या करणाऱ्या युवकाचे नांव आहे. याबाबात मयत सागर यांच्या वडिलांचा मित्र लक्ष्मण मारुती टाकळकर (वय६१, रा. टाकळकरवाडी, ता. खेड ) यांनी खेडपोलिस ठाण्यात फिर्याद दिली आहे.  बुधवारी ( दि. ११ ) रोजी सकाळी ९ वाजता ही घटना उघडकीस आली. सागर याने ( दि.१०)च्या रात्रीच्या सुमारास राहत्या घरात बेडरुमच्या लाकडी तुळईला दोरीच्या साह्याने गळफास घेऊन आत्महत्या केली. त्यांचा आज (दि११ ) वाढदिवस होता. वाढदिवसांच्या दिवशी आत्महत्या केल्याने राजगुरुनगर शहरात खळबळ उडाली आहे. सागर हा अविवाहित होता. त्याच्या पाठीमागे आई, वडील दोन विवाहित बहिणी आहेत. सागर याला प्राणीपक्षी पाळणे यांचा छंद होता.