उरुळी कांचन (पुणे) : येथील परिसरात आई-वडिलांना जिवे मारण्याची धमकी देत १७ वर्षीय अल्पवयीन मुलीवर दोघा भावांनी अत्याचार केल्याची घटना शुक्रवारी उघडकीस आली. याप्रकरणी पीडितेच्या आईने दिलेल्या तक्रारीवरून दोघांवर गुन्हा दाखल करण्यात आला असून दोघांनाही अटक करण्यात आली आहे.
याबाबत पोलिसांनी दिलेली माहिती अशी की, पीडित कुटुंब ज्या ठिकाणी राहते त्या ठिकाणी बाहेरील बाजूस आणखी एक खोली आहे. त्यामध्ये पीडिता अभ्यास करत बसलेली असते. गुरुवारी रात्री घराबाहेर एक जण संशयास्पद थांबल्याने पीडितेच्या आईस निदर्शनास आले. त्यानंतर आईने मुलीला विचारल्यानंतर हा सर्व प्रकार उघडकीस आला. याप्रकरणी दोघांवर बलात्कार व बाल लैंगिक अत्याचार प्रतिबंधक कायद्यांतर्गत गुन्हा दाखल करून दोघांना अटक केली असल्याचे सहआयुक्त संदीप कर्णिक यांनी सांगितले.