पिंपरी : संघटनेतील जे पदाधिकारी पदे घेऊन काम करीत नाहीत, त्यांना पदावर ठेवायचे की नाही याबाबत निर्णय घेण्यात येईल. कार्यकारिणी बरखास्त करून आताचे पदाधिकारी आजपासून प्रभारी म्हणून काम करतील. पुढील ३० दिवस मतदारसंघांतील संघटनेच्या कामाची माहिती घेतली जाईल. चांगले काम न करणाऱ्यांना पदावरून दूर करण्यात येईल, असा इशारा शिंदेसेनेचे पुणे जिल्हा संपर्कप्रमुख, उद्योगमंत्री उदय सामंत यांनी थेरगाव येथे शुक्रवारी (दि. ४) दिला.
पुणे, मावळचे संपर्कप्रमुख झाल्यानंतर सामंत यांनी थेरगाव येथे पदाधिकाऱ्यांची बैठक घेतली. पिंपरी, चिंचवड, भोसरी, मावळ विधानसभा मतदारसंघांतील संघटनेच्या कामाचा आढावा घेतला. उपनेते खासदार श्रीरंग बारणे व इरफान सय्यद, उपनेत्या सुलभा उबाळे, शहरप्रमुख नगरसेवक नीलेश तरस, जिल्हाप्रमुख राजेश खांडभोर आणि पदाधिकारी यावेळी उपस्थित होते.
सामंत म्हणाले की, पक्ष संघटनेच्या कामाबाबत कोणतीही तडजोड खपवून घेतली जाणार नाही. मतदार याद्या तपासणीचे काम सुरू आहे. त्यावर बारकाईने लक्ष ठेवा. संघटना महत्त्वाची आहे. संघटनेपेक्षा कोणी मोठे नाही.
खासदार बारणे म्हणाले की, महापालिका निवडणुकीत कार्यकर्त्यांना बळ देण्याचे काम संघटनेने केले. शिवसैनिकांनी केवळ पदाची अपेक्षा न ठेवता झोकून देऊन संघटना वाढीसाठी काम करावे. मला कोणते पद मिळाले नाही तर मी जातो, अशी कोणी भूमिका घेऊ नये. इतर पक्षांपेक्षा शिवसेनेची कामाची पद्धत वेगळी आहे.
Web Summary : Uday Samant warned inactive Shinde Sena members will be removed from posts. He reviewed organizational work in Pimpri-Chinchwad, Bhosari, and Maval constituencies, emphasizing no compromise on party work and the importance of organizational strength. Srirang Barne urged workers to focus on party growth.
Web Summary : उदय सामंत ने निष्क्रिय शिंदे सेना सदस्यों को पदों से हटाने की चेतावनी दी। उन्होंने पिंपरी-चिंचवड, भोसरी और मावल निर्वाचन क्षेत्रों में संगठनात्मक कार्यों की समीक्षा की, पार्टी के काम पर कोई समझौता न करने और संगठनात्मक शक्ति के महत्व पर जोर दिया। श्रीरंग बारणे ने कार्यकर्ताओं से पार्टी के विकास पर ध्यान केंद्रित करने का आग्रह किया।