पुणे: महायुती आणि राष्ट्रीय लोकशाही आघाडी सध्या सर्वत्र विजय मिळवत आहे. या विजयात रिपब्लिकन पक्षाचे महत्त्वाचे योगदान आहे. मते कशी मिळवायाची याचे टेक्निक आम्हाला मिळाले आहे. गोरगरीबांना पैसे देतो आणि नैतिक दृष्ट्या योग्य आहे म्हणून आम्ही निवडून आलो. आता आगामी स्थानिक स्वराज्य संस्थांच्या निवडणुकीत राज्यात महायुतीला चांगले यश मिळेल. लोणावळ्यामध्ये आरपीआयला अध्यक्षपद दिले आहे. भाजप आणि राष्ट्रवादी यांनी सांगून नगराध्यक्षपद देतो म्हटले, मात्र दिले नाही. महायुतीचे रिपब्लिकन पक्षाकडे दुर्लक्ष होत आहे, अशी खंत पक्षाचे राष्ट्रीय अध्यक्ष व केंद्रीय सामाजिक न्याय राज्यमंत्री रामदास आठवले यांनी व्यक्त केली.
बंडखोरीचे प्रमाणही अधिक
दीर्घ कालावधीनंतर स्थानिक स्वराज्य संस्थांच्या निवडणुका होत असल्यामुळे या निवडणुकीत इच्छुकांची संख्या जास्त आहे आणि बंडखोरीचे प्रमाणही अधिक आहे. अनेक ठिकाणी महायुतीतील पक्ष एकमेकांसमोर उभे ठाकले आहेत. मात्र, या निवडणुकांच्या युती, आघाडीचे अधिकार स्थानिक पातळीवर दिले गेले असले तरी देखील प्रचारादरम्यान महायुतीमध्ये बेबनाव निर्माण होईल अशी विधाने घटक पक्षांच्या स्थानिक अथवा प्रदेश पातळीवरील नेत्यांनी करू नयेत, असे आवाहनही आठवले यांनी केले.
अर्थव्यवस्था दहाव्या क्रमांकावरून आता चौथ्या क्रमांकावर आली
लोकसभेतील विरोधी पक्ष नेते राहुल गांधी यांनी भारतीय अर्थव्यवस्था ही मृतावस्थेत असल्याचा आरोप केला आहे. मात्र, या आरोपात कोणतेही तथ्य नाही. संयुक्त पुरोगामी आघाडी सत्तेवर असताना भारतीय अर्थव्यवस्था दहाव्या क्रमांकावर होती. ती आता चौथ्या क्रमांकावर आली आहे. लवकरच की तिसऱ्या क्रमांकावर पोहोचेल. याचे श्रेय निश्चितपणे पंतप्रधान मोदी यांच्या नेतृत्वाखालील राष्ट्रीय लोकशाही आघाडी सरकारचे आहे, असेही आठवले म्हणाले.
योजना राबवणे हा आमचा अधिकार
सध्याच्या निवडणुका पैशाच्या आधारावर लढवल्या जात असल्याचा आरोप ज्येष्ठ नेते शरद पवार यांनी केला आहे. या आरोपाचा आठवले यांनी समाचार घेतला. गोरगरिबांना उपयुक्त ठरणाऱ्या योजना राबवणे हा आमचा अधिकार आहे आणि ते आमचे कर्तव्य देखील आहेत. विरोधकांकडे सत्ता असताना त्यांना अशा योजना राबवता आल्या नाहीत, अशी टीकाही त्यांनी केली.
Web Summary : Ramdas Athawale expressed dissatisfaction over the coalition's neglect towards the Republican Party. He highlighted contributions to victories and criticized the failure to honor commitments in Lonavala. He defended the government's economic policies, refuted claims of a failing economy, and justified welfare programs.
Web Summary : रामदास अठावले ने रिपब्लिकन पार्टी के प्रति गठबंधन की उपेक्षा पर असंतोष व्यक्त किया। उन्होंने जीत में योगदान पर प्रकाश डाला और लोनावाला में प्रतिबद्धताओं का सम्मान करने में विफलता की आलोचना की। उन्होंने सरकार की आर्थिक नीतियों का बचाव किया, अर्थव्यवस्था की विफलता के दावों का खंडन किया और कल्याणकारी कार्यक्रमों को सही ठहराया।