मित्राचा गळा दाबून खून करीत रचला फाशीचा बनाव; पुण्यातील धक्कादायक घटना

बुधवारी सकाळी हा प्रकार उघडकीस आला हाेता...

पुणे : शिवीगाळ केल्याच्या रागातून मित्राचा गळा दाबून खून केला. त्यानंतर मृतदेह सिलिंग फॅनला लटकावित फाशी घेतल्याचा बनाव रचणाऱ्या आराेपीला काेथरूड पाेलिसांनी अटक केली. परेश शंकर कंधारे (वय २८, रा. स्मिता हाइट्स, लाेकमान्य काॅलनी, काेथरूड) असे खून झालेल्याचे नाव आहे. याप्रकरणी वसंत अवसरे (वय २८, रा. शास्त्रीनगर) याला अटक केली. कुंदन बापू अडसूळ (वय ३६, रा. न्यू डीपी रोड कोथरूड) याने दिलेल्या फिर्यादीवरून काेथरूड पाेलिस ठाण्यात गुन्हा नाेंदवण्यात आला. बुधवारी सकाळी हा प्रकार उघडकीस आला हाेता.

मृत परेश हा फिर्यादीचा मामेभाऊ आहे. परेश आणि आराेपी वसंत हे दाेघे एकाच काॅलसेंटरमध्ये साेबत काम करीत हाेते. आराेपी वसंत हा जेवण करण्यासाठी मंगळवारी दुपारी परेशच्या घरी आला. शिवीगाळ केल्याच्या रागातून दाेघांमध्ये वाद झाला आणि त्यानंतर वसंतने परेशचा गळा दाबून खून केला. त्याचा मृतदेह शालीच्या साहाय्याने पंख्याला लटकाविला. त्यानंतर परेशने आत्महत्या केली असल्याचा बनाव रचला. दरम्यान, या घटनेची माहिती काेथरूड पाेलिसांनी घटनास्थळी धाव घेतली.

परेशच्या गळ्याभाेवती व्रण दिसून आल्याने पाेलिसांचा वसंतवर संशय बळावला. वैद्यकीय तपासणीत परेशचा मृत्यू गळा दाबल्याने झाल्याचे निष्पन्न झाल्यानंतर वसंत अवसरे याला अटक केली, अशी माहिती वरिष्ठ पाेलिस निरीक्षक हेमंत पाटील यांनी दिली.