पुणे: पुण्यातील येरवडा येथे शास्त्री चौकात शिवशाही बसने पेट घेतल्याची धक्कादायक घटना घडली आहे. चालकाने दाखवलेल्या प्रसंगावधानामुळे मोठी दुर्घटना टळली आहे.
मिळालेल्या माहितीनुसार, यवतमाळ ते चिंचवड अशी शिवशाही बस येरवड्याच्या शास्त्री चौकातून चालली होती. त्यावेळी गाडी अचानक खराब झाली. चालकाला हि गोष्ट कळताच त्याने तातडीने गाडी बाजूला घेतली. व त्यामध्ये असणाऱ्या ४२ प्रवाशांना खाली उतरवले. त्यानंतर शिवशाहीने लगेच पेट घेतला. चालकाने दाखवलेल्या प्रसंगावधानामुळे मोठी दुर्घटना टळली. व सर्व प्रवासी सुरक्षित राहिले. अग्निशमन दलानेआग विझवली आहे. गाडीने का पेट घेतला याबाबत एसटी महामंडळ माहिती घेत असल्याचे अधिकाऱ्यांनी सांगितले आहे.