राष्ट्रवादी युवती काॅंग्रेसतर्फे आजच्या जागतिक महिला दिनाचे औचित्य साधत नाना पेठेतील साखळीपीर तालीम राष्ट्रीय मारुती मंदिर येथील भाजी विक्रेत्या महिलांना डाॅ.कावेरी भोसले यांच्या हस्ते मास्क, सॅनिटायझर आणि पुस्तक देऊन त्यांचा सत्कार केला. शिवानी माळवदकर, गाैरी नलावडे, निकीता माळवदकर, अश्विनी ताठे, मोना जाधव आदी राष्ट्रवादी युवती काॅंग्रेसच्या सदस्या उपस्थित होत्या.
डाॅ. कावेरी भोसले म्हणाल्या, कितीही कठीण प्रसंग आला तरी महिला मैदान सोडून पळत नाहीत, तर त्या परिस्थितीचा सामना करतात. परिस्थितीशी संघर्ष करीत आणि काळावर मात करीत परिस्थिती बदलू शकतात. आज शेतकऱ्यांच्या आत्महत्यांचा विचार केल्यास नैराश्यामुळे आत्महत्या करणाऱ्या पुरूष शेतकऱ्यांचे प्रमाण जास्त आहे, तर याच पुरूषांच्या विधवा पत्नी सगळ्या परिस्थितीशी दोन हात करतांना दिसतात. शिवानी माळवदकर यांनी प्रास्ताविक केले.