Gold Silver Rate 29 April: लग्नसराईच्या हंगामाच्या धामधुमीत सराफा बाजारातून एक मोठी बातमी समोर आली आहे. २९ एप्रिल रोजी सोन्या आणि चांदीच्या किमतीत वाढ नोंदवण्यात आली असून, यामुळे खरेदीदारांच्या पदरी थोडी निराशा आली आहे. २४ कॅरेट सोनं आज ₹३९ नं महाग होऊन ₹१,४८,८२१ प्रति १० ग्रॅमवर पोहोचलं. दुसरीकडे, चांदीच्या भावात ₹२,३७० ची मोठी उसळी नोंदवण्यात आली असून, ती ₹२,३८,९११ प्रति किलोच्या पातळीवर पोहोचली आहे. या दरवाढीमुळे विशेषतः लग्नाची खरेदी करणाऱ्या ग्राहकांमध्ये चिंतेचं वातावरण आहे.
२२ आणि १८ कॅरेट सोन्याचे नवीन दर
आयबीजेएच्या ताज्या आकडेवारीनुसार, २२ कॅरेट सोन्याचा भाव ₹३६ नं वधारून ₹१,३६,३२० प्रति १० ग्रॅम झाला आहे. यामध्ये जीएसटी समाविष्ट नाही; जर ३% जीएसटी जोडला तर ही किंमत सुमारे ₹१,४०,४०९ पर्यंत पोहोचते. तसंच १८ कॅरेट सोनं देखील ₹२९ ने महाग होऊन ₹१,११,६१६ वर पोहोचलं असून, करासह याची किंमत सुमारे ₹१,१४,९६४ इतकी होते.
२३ आणि १४ कॅरेट सोन्यातही तेजी
सोन्याच्या इतर कॅरेटमध्येही दरवाढीचा कल कायम आहे. २३ कॅरेट सोनं ₹३९ नं वधारून ₹१,४८,२२५ प्रति १० ग्रॅमवर पोहोचलं आहे. तसंच १४ कॅरेट सोने ₹२२ नं महाग होऊन ₹८७,०६० प्रति १० ग्रॅम झालं आहे.
'ऑल टाइम हाय' पासून सोनं अजूनही स्वस्त
सध्या सोन्याचे दर त्याच्या ₹१,७६,१२१ या 'ऑल टाइम हाय' पेक्षा सुमारे ₹२७,३०० ने खाली आले आहेत. चांदी देखील तिच्या सर्वोच्च स्तरापेक्षा बरीच खाली व्यवहार करत आहे. अलीकडील जागतिक तणावाच्या काळाचा विचार केल्यास, आतापर्यंत सोनं सुमारे ₹१०,२७६ आणि चांदी ₹२८,९८९ ने स्वस्त झाली आहे.
Web Summary : Gold and silver prices increased on April 29th. 24 Carat gold reached ₹1,48,821 per 10 grams, while silver surged to ₹2,38,911 per kg. The rise has caused concern, especially for wedding shoppers. Despite increases, gold is still cheaper than its all-time high.
Web Summary : 29 अप्रैल को सोने और चांदी की कीमतों में वृद्धि हुई। 24 कैरेट सोना ₹1,48,821 प्रति 10 ग्राम पर पहुंच गया, जबकि चांदी बढ़कर ₹2,38,911 प्रति किलोग्राम हो गई। इस वृद्धि से चिंता बढ़ गई है, खासकर शादी की खरीदारी करने वालों के लिए। बढ़ोतरी के बावजूद, सोना अभी भी अपने सर्वकालिक उच्च स्तर से सस्ता है।