पुणे : दुय्यम निबंधक कार्यालयांमधून नागरिकांना दिल्या जाणाऱ्या सेवांमध्ये अधिक गती आणि पारदर्शकता आणण्यासाठी नोंदणी व मुद्रांक विभागाने मागील महिन्यात लागू केलेल्या गुणांकन पद्धतीमुळे कामाला वेग आला आहे. या प्रणालीअंतर्गत दुय्यम निबंधक यांच्या कामगिरीचे मूल्यमापन करण्यात आले. त्यात शहरातील हवेली क्रमांक ७, १०, १३, २१ आणि २३ या पाच कार्यालयांनी दस्त नोंदणी, स्कॅनिंग, ई-रजिस्ट्रेशन, ई मोहोर यामध्ये उल्लेखनीय काम केले आहे.
नव्या गुणांकन पद्धतीमुळे दस्त नोंदणी, स्कॅनिंग, ई-रजिस्ट्रेशन, ई-मोहोर आणि इतर कामकाजासाठी अधिकाऱ्यांना निश्चित वेळेची मर्यादा पाळणे बंधनकारक झाले. या प्रणालीअंतर्गत दुय्यम निबंधक यांच्या कामगिरीचे मूल्यमापन करण्यात आले. यामध्ये शहरातील सर्वच २७ कार्यालयांच्या कामकाजात गतिमानता आली आहे. याबाबत मुद्रांक जिल्हाधिकारी तथा सहजिल्हा निबंधक संतोष हिंगणे म्हणाले, ‘सेवांमध्ये होणाऱ्या विलंबाला आळा घालणे आणि कर्मचाऱ्यांच्या तत्परतेला प्रोत्साहन देणे हा या गुणांकन पद्धतीचा मुख्य उद्देश होता. ११ सप्टेंबर ते ७ ऑक्टोबर या कालावधीत या २७ कार्यालयांतील कामांचे मूल्यमापन करण्यात आले. या गुणांकन पद्धतीमध्ये नेमून दिलेली कामे मुदतीत पूर्ण न झाल्यास वजा गुण देण्याची तरतूद होती. मात्र सर्वच २७ कार्यालयांनी अधिक गुण मिळवले. यातील पाच कार्यालयांनी चांगले काम केल्याबद्दल या कार्यालयांना लवकरच स्वतंत्र प्रमाणपत्रे देऊन गौरविण्यात येणार आहे. पुढील काळात सर्व कार्यालयांनी आपल्या कामकाजात सुधारणा करून गुणांकन वाढवावे आणि नागरिकांना जलद सेवा द्यावी, अशा सूचनाही दिल्या आहेत.’
..हे आहेत टॉप फाइव्ह
शहरातील हवेली क्रमांक ७च्या दुय्यम निबंधक रोहिणी भिल्लारे, क्रमांक १०चे दुय्यम निबंधक तानाजी पाटील, हवेली क्रमांक १३चे दुय्यम निबंधक विनोद कासेवाड, हवेली क्रमांक २१चे दुय्यम निबंधक दिनकर देशमुख आणि हवेली क्रमांक २३च्या दुय्यम निबंधक मीनल मोरे या अधिकाऱ्यांनी त्यांच्या दस्त नोंदणी, स्कॅनिंग, ई-रजिस्ट्रेशन, ई-मोहोर यामध्ये उल्लेखनीय काम केले आहे.
Web Summary : Pune's registration and stamps department's grading system boosted efficiency. Haveli 7, 10, 13, 21, and 23 offices excelled in registration, scanning, and e-services. The system enforces deadlines, promoting prompt service. These top performers will be recognized for their outstanding work, setting a benchmark for others.
Web Summary : पुणे के पंजीकरण और स्टाम्प विभाग की ग्रेडिंग प्रणाली ने दक्षता बढ़ाई। हवेली 7, 10, 13, 21 और 23 कार्यालयों ने पंजीकरण, स्कैनिंग और ई-सेवाओं में उत्कृष्ट प्रदर्शन किया। प्रणाली समय सीमा लागू करती है, जिससे त्वरित सेवा को बढ़ावा मिलता है। इन शीर्ष प्रदर्शन करने वालों को उनके उत्कृष्ट कार्य के लिए सम्मानित किया जाएगा, जो दूसरों के लिए एक बेंचमार्क स्थापित करेगा।