पुणे : सिंहगड किल्ला परिसरात एक धक्कादायक पण तितकीच दिलासा देणारी घटना घडली आहे. कात्रज ते सिंहगड या पायी मार्गावर चालत असताना एका डॉक्टर युवकाचा पाय घसरून तो तब्बल ३५० फूट खोल दरीत कोसळला. मात्र हवेली पोलिस आणि आपत्ती व्यवस्थापन पथकाच्या तत्परतेमुळे त्याचा जीव वाचला. जखमी युवकाचे नाव डॉ. प्रशांत नंदवते (वय ४०, रा. कोल्हेवाडी) असे असून ते सध्या सुखरूप आहेत. त्यांच्या अंगावर किरकोळ जखमा असून प्रकृती स्थिर आहे. या दरम्यानचा व्हिडिओ चर्चेत आला आहे. मिळालेल्या माहितीनुसार, डॉ. नंदवते हे खेडशिवापूर येथील रुग्णालयात जात असताना रुग्ण उशिरा येणार असल्याची माहिती मिळाली. त्यामुळे त्यांनी वेळ घालवण्यासाठी कात्रज-सिंहगड ट्रेक मार्गावर चालायला सुरुवात केली. संध्याकाळी सुमारे ४ वाजण्याच्या सुमारास “चिलीमचा खड्डा” परिसरात त्यांचा पाय घसरला आणि ते खोल दरीत कोसळले. प्रसंगावधान राखत त्यांनी तात्काळ ११२ वर कॉल करून मदत मागितली.
Web Summary : A doctor fell 350 feet into a valley near Sinhagad fort while trekking. Timely response by Haveli police and disaster management team saved him after a 5-hour rescue operation. He sustained minor injuries and is stable.
Web Summary : सिंहगढ़ किले के पास ट्रेकिंग करते समय एक डॉक्टर 350 फीट गहरी खाई में गिर गया। हवेली पुलिस और आपदा प्रबंधन टीम ने 5 घंटे के बचाव अभियान के बाद उसे बचा लिया। उसे मामूली चोटें आई हैं और वह स्थिर है।